ລຳດວນດົງ / Lam Douan Dong

ຈັດເປັນໄມ້ຢືນຕົ້ນ, ບໍ່ປ່ຽນໃ ບ. ລຳຕົ້ນສູງ 10-15 ມ, ກິ່່ງອ່ອນ ແລະ ຍອດມີຂົນສີນ້ຳຕານປົກຄຸມຢ່າງໜາແໜ້ນ, ເປືອກນອກລຽບ, ສີນ້ຳຕານ, ເປືອກໃນສີນ້ຳຕານ. ໃບດ່ຽວ, ອອກຮຽງສະຫຼັບ, ຮູບຮີ ຫຼື ຮູບຂອບຂະໜານ, ກ້ວາງ 3-6 ຊມ, ຍາວ 10-15 ຊມ, ໂຄນໃບມົນ ຫຼື ຕັດ, ຂອບລຽບ, ປາຍແຫຼມ, ແຜ່ນໃບໜາຄ້າຍຄືໜັງ, ມີຂົນສີນ້ຳຕານປົກຄຸມທັງສອງດ້ານ, ໃບອ່ອນມີຂົນສີນ້ຳຕານປົກຄຸມຢ່າງໜາແໜ້ນ. ກ້ານໃບຮູບກົມ, ສັ້ນຫຼາຍ. ຊໍ່ດອກແບບກະຈຸກ ຫຼື ດອກດ່ຽວ, ອອກຕາມກິ່ງ ແລະ ງ່າມໃບ. ດອກຍ່ອຍມີ 2-3 ດອກ, ດອກບານເຕັມທິີມີຂະໜາດເສັ້ນຜ່າສູນກາງ 4-4.5 ຊມ, ສີເຫຼືອງ. ກີບດອກຮຽງກັນເປັນ 2 ສັ້ນ, ແຕ່ລະຊັ້ນມີ 3 ກີບ, ກີບວົງນອກຍາວ ແລະ ບິດເປັນຄື້ນ, ກີບວົງໃນກົງເຂົ້າຫາກັນ. ໝາກກຸ່ມ, ມີໝາກຍ່ອຍຈຳນວນຫຼາຍ, ໝາກຮູບກົມ ຫຼື ຮູບຮີ, ຍາວປະມານ 3 ຊມ, ໝາກອ່ອນມີຂົນສີນ້ຳຕານປົກຄຸມຢ່າງໜາແໜ້ນ, ໝາກແກ່ມີສີເຫຼືອງ. ແກ່ນມີ 3-7 ແກ່ນຕໍ່ໝາກຍ່ອຍ.