ໃບຕ້າງດອກ / Painted spurge
APA 6th ed. ໃບຕ້າງດອກ / Painted spurge. (2022, August 1). Retrieved from https://www.phakhaolao.la/index.php/kb/0001096
MLA 8th ed. ໃບຕ້າງດອກ / Painted spurge. Pha Khao Lao, 1 August 2022, https://www.phakhaolao.la/index.php/kb/0001096.
Chicago 17th ed. Pha Khao Lao. 2022. "ໃບຕ້າງດອກ / Painted spurge." Published August 1, 2022. https://www.phakhaolao.la/index.php/kb/0001096.
Euphorbia heterophylla var. geniculata (Ortega) M.Gómez
Euphorbia prunifolia Jacq.
Poinsettia geniculata (Ortega) Klotzsch & Garcke)
ອັງກິດ: Painted spurge ແລະ Mexican fire plant
ໄມ້ລົ້ມລຸກ, ປາຍຍອດຊົງຟູ່ມ. ລຳຕົ້ນສູງປະມານ 50 ຊມ, ກ້ວາງປະມານ 30 ຊມ, ລຳຕົ້ນຕັ້ງຊື່, ຜິວລຽບ, ສີຂຽວ, ທຸກສ່ວນມີຢາງສີຂາວຂຸ້ນ. ໃບດ່ຽວ, ອອກຮຽງກົງກັນຂ້າມສອງແຜ່ນພຽງຕັ້ງສາກສະຫຼັບກັນ, ຮູບຮີ, ກ້ວາງປະມານ 6,5 ຊມ, ຍາວປະມານ 10 ຊມ, ໂຄນໃບຮຽວແຫຼມ ຫຼື ບ້ຽວ, ຂອບລຽບ, ປາຍຮຽວແຫຼມ, ສີຂຽວ. ຊໍ່ດອກແບບກະຈຸກ, ອອກບໍລິເວນປາຍຍອດ. ດອກຍ່ອຍມີຈຳນວນຫຼາຍ, ຂະໜາດນ້ອຍ. ກາບດອກເຊື່ອມຕິດກັນປາຍແຍກອອກເປັນ 5 ແສກ, ສີຂຽວ, ບໍ່ມີກີບດອກ. ເກສອນເພດຜູ້ມີ 4 ອັນ, ປາຍເປັນກະເປາະ, ສີເຫຼືອງ. ເຕົ້າໄຂ່ມີ 1 ອັນ, ຈັບເທິງ, ປາຍຮວງຮັບແຍກອອກເປັນ 4 ແສກ, ສີເຫຼືອງ. ໝາກກຸ່ມ, ຮູບກົມ, ໝາກອ່ອນເປັນສີຂຽວ, ໝາກແກ່ເປັນສີນ້ຳຕານ. ແກ່ນມີ 3 ແກ່ນ, ຮູບກົມ, ສີຂຽວ.
ອາຫານ: ຍອດອ່ອນສາມາດນຳມາຕົ້ມກິນກັບແຈ່ວໄດ້
ສັບພະຄຸນ:
- ຍອດອ່ອນ: ໃຊ້ຮັບປະທານປະມານ 3 ໃບ ເປັນຢາຖ່າຍ, ຢາລະບາຍ ແລະ ຊ່ວຍແກ້ອາການເຈັບທ້ອງ.
- ເປືອກຕົ້ນ: ຊ່ວຍຂັບນ້ຳນົມຂອງແມ່ຍິງ.
ພືດປະດັບ: ເນື່ອງຈາກມີສີສັນໂດດເດັ່ນຈິ່ງນິຍົມນຳມາປູກເປັນພືດປະດັບ.
ຂໍ້ຄວນລະວັງ:
- ມີການໃຊ້ໃບເປັນສານເສບຕິດໄດ້.
- ຢາງສີຂາວຂຸ້ນຫາກສຳພັດກັບຜິວໜັງຈະເຮັດໃຫ້ຜິວໜັງອັກເສບ.
- ບໍລິເວນກ້ານໃບມີຂົນຫາກສຳພັດຈະເຮັດໃຫ້ເກີດອາການຄັນຈຶງບໍ່ຄວນສຳພັດ.