ຕົ້ນມັນປາ / Anan
APA 6th ed. ຕົ້ນມັນປາ / Anan. (2020, March 12). Retrieved from https://www.phakhaolao.la/index.php/kb/0000835
MLA 8th ed. ຕົ້ນມັນປາ / Anan. Pha Khao Lao, 12 March 2020, https://www.phakhaolao.la/index.php/kb/0000835.
Chicago 17th ed. Pha Khao Lao. 2020. "ຕົ້ນມັນປາ / Anan." Published March 12, 2020. https://www.phakhaolao.la/index.php/kb/0000835.
Cyrtophyllum giganteum Ridl.
Cyrtophyllum lanceolatum DC.
Cyrtophyllum peregrinum Reinw.
Fagraea peregrina (Reinw.) Blume
Fagraea ridleyi Gand.
Willughbeia fragrans Spreng.
Eng: Anan, Tembusu
ເປັນໄມ້ຢືນຕົ້ນຂະໜາດນ້ອຍຫາຂະໜາດໃຫຍ່, ສູງ 10-15 ແມັດ, ອາດຈະສູງຮອດ 25 ແມັດ, ເປືອກຕົ້ນລຽບມີສີນໍ້າຕານ, ເມື່ອຕົ້ນແກ່ຈະແຕກເປັນຮ່ອງລຶກຕາມລວງຍາວ, ຂະຫຍາຍພັນດ້ວຍວິທີການເພາະແກ່ນ ແລະ ການປັກຊໍາ. ໃບເປັນໃບດ່ຽວອອກລຽງກົງກັນຂ້າມກັນ, ໃບຂຶ້ນໜາແໜ້ນຢູ່ປາຍກິ່ງ, ໃບມີລັກສະນະເປັນຮູບຮີ, ສີຂຽວເຂັ້ມເປັນມັນ, ປາຍໃບ ແລະ ກົກໃບແຫຼມ, ຂອບໃບ ແລະ ແຜ່ນໃບລຽບ, ໃບກວ້າງ 4-6 ຊັງຕີແມັດ ແລະ ຍາວ 8-12 ຊັງຕີແມັດ. ອອກດອກເປັນຊໍ່ຕາມງ່າມໃບ, ເມື່ອເລີ່ມບານຈະເປັນສີຂາວ ເມື່ອບານເຕັມທີ່ຈະເປັນສີເຫຼືອງອົມແສດ, ຢູ່ກົກດອກເຊື່ອມຕິດກັນເປັນຫຼອດສັ້ນ, ປາຍແຍກອອກເປັນ 5 ແຊກ, ປາຍແຊກແຫຼມ, ອອກດອກໃນຊ່ວງເດືອນເມສາ ຫາ ເດືອນມີຖຸນາ. ໝາກເປັນໝາກດ່ຽວຊົງກົມ, ມີຂົນ, ຜິວລຽບເປັນມັນ, ມີຕິ່ງແຫຼມໆສັ້ນໆຢູ່ປາຍສຸດ, ໝາກອ່ອນຈະເປັນສີຂຽວ ເມື່ອສຸກແລ້ວຈະເປັນສີແດງເລືອດນົກ, ໝາກຈະອອກໃນຊ່ວງເດືອນເມສາ ຫາ ເດືອນມີຖຸນາ.
ປະໂຫຍດ:
- ໃຊ້ປູກໄວ້ເປັນໄມ້ປະດັບໄດ້ ເພາະມີຄວາມສວຍງາມ ແລະ ດອກມີກິ່ນຫອມສົດຊື່ນ.
- ເປັນໄມ້ມົງຄົນທີ່ໃຊ້ໃນການປະກອບພິທີວາງສິລາຈາລຶກ.
- ເນື້ອໄມ້ມີຄວາມສວຍງາມສາມາດນໍາມາເຮັດເຄື່ອງເຟີນິເຈີ, ເຄື່ອງມືທາງການກະເສດ ແລະ ໃຊ້ໃນການກໍ່ສ້າງ.
ສັບພະຄຸນ:
- ແກນໃຊ້ເປັນອາຍຸວັດທະນະ.
- ເປືອກຕົ້ນຊ່ວຍບໍາລຸງເລືອດ.
- ໃບ ແລະ ໝາກ ຊ່ວຍໃນການແກ້ປວດ ແຕ່ບໍ່ມີລິດໃນການຕ້ານແບັກທີເຣີຍ.
- ເປືອກຊ່ວຍຮັກສາຜິວໜັງພອງ ປວດແສບປວດຮອບ.
- ແກນຊ່ວຍແກ້ອາການແໜ້ນໜ້າເອິກ.