ຕົ້ນໝາກຄອມ
APA 6th ed. ຕົ້ນໝາກຄອມ. (2019, October 17). Retrieved from https://www.phakhaolao.la/index.php/kb/0000710
MLA 8th ed. ຕົ້ນໝາກຄອມ. Pha Khao Lao, 17 October 2019, https://www.phakhaolao.la/index.php/kb/0000710.
Chicago 17th ed. Pha Khao Lao. 2019. "ຕົ້ນໝາກຄອມ." Published October 17, 2019. https://www.phakhaolao.la/index.php/kb/0000710.
Grewia blumei Hassk.
Grewia cumingiana Turcz.
Grewia paniculata Roxb. ex DC.
ຕົ້ນໄມ້ຢືນຕົ້ນຂະໜາດກາງ, ສູງ 15 ຕົ້ນ, ລໍາຕົ້ນຕັ້ງຊື່, ເປືອກລໍາຕົ້ນເປັນສີເທົາ ແລະ ຫລົ່ນເປັນສະເກັດບາງໆ, ເປືອກດ້ານໃນເປັນສີບົວ ແລະ ມີເສັ້ນໃຍຮຽງຕົວເປັນຊັ້ນ, ຢູ່ກິ່ງອ່ອນ ແລະ ກ້ານໃບຈະມີຂົນລັກສະນະເປັນຮູບດາວ. ໃບເປັນໃບດ່ຽວອອກລຽງສະລັບ, ລັກສະນະຂອງໃບເປັນຮູບວົງຮີແກມຮູບຂອບຂະໜານ ຫຼື ເປັນຮູບວົງຮີແກມຮູບໄຂ່ກັບ ຫຼື ເປັນຮູບຂອບຂະໜານແກມຮູບໄຂ່ກັບ, ກົກໃບມົນສ່ວນໃບປາຍແຫຼມ, ຂອບໃບຫຍັກແບບແຂ້ວເລື່ອຍ, ໃບກວ້າງ 3-10 ຊມ ແລະ ຍາວ 6.5-9 ຊມ, ແຜ່ນໃບດ້ານເທິງເປັນສີຂຽວເຂັ້ມສ່ວນດ້ານລຸ່ມເປັນແຜ່ນສີຂຽວໝົ່ນ. ອອກດອກເປັນຊໍ່ກະຈຸກແຍກຂະແໜງຕາມງ່າມໃບ ຫຼື ປາຍກິ່ງ, ລັກສະນະຂອງດອກຕູມກົມ, ມີດອກຈໍານວນຫຼາຍ, ກີບດອກເປັນສີເຫຼືອງ, ໃບປະດັບເປັນຮູບແຖບ ຫຼື ຮູບໃບຫອກ, ກາບດອກມີ 5 ກາບແຍກອອກຈາກກັນເປັນອິດສະຫຼະ, ລັກສະນະຄ້າຍຮູບບ່ວງ, ສ່ວນກີບດອກມີ 5 ກີບແຍກອອກຈາກກັນເປັນອິດສະຫຼະ, ມີລັກສະນະເປັນຮູບໄຂ່ແກມຮູບໃບຫອກ. ໝາກມີລັກສະນະເປັນຮູບຊົງກົມແກມຮູບໄຂ່ກັບ, ໝາກມີຂະໜາດ 0.6-1 ຊມ ແລະ ຍາວ 1-1.2 ຊມ, ຜະໜັງຊັ້ນໃນຂອງໝາກແຂງ, ໝາກເປັນສີຂຽວເມື່ອສຸກຈະເປັນສີມ່ວງດໍາ.
ປະໂຫຍດ:
- ໝາກສຸກຮັບປະທານໄດ້.
- ເປືອກໃຫ້ເສັ້ນໃຍສາມາດນໍາໃຊ້ເຮັດເຊືອກແບບຫຍາບໆໄດ້.
- ເນື້ອໄມ້ມີຄວາມທົນທານຈຶ່ງມັກນິຍົມນໍາໄປໃຊ້ເຮັດເຟີນິເຈີ ຫຼື ເຮັດເຄື່ອງເຮືອນ.
ສັບພະຄຸນ:
- ເປືອກໃຊ້ປຸງເປັນຢາບໍາລຸງເລືອດຜູ້ຍິງ.
- ໝາກແກ່ຊ່ວຍກະຈາຍເລືອດ.
- ລໍາຕົ້ນໃຊ້ເປັນຢາປະກອບຮັກສາພະຍາດລໍາໄສ້.
- ໝາກແກ່ມີລົດສົ້ມໃຊ້ຮັບປະທານເປັນຢາລະບາຍ.