ຕົ້ນຫໍາງົວ / Mahogany

ຕົ້ນຫໍາງົວແມ່ນຕົ້ນໄມ້ທີ່ມີສາຍຍາດດຽວກັນກັບຕົ້ນໝາກຕ້ອງ, ຕົ້ນກະເດົາຊ້າງ, ຕົ້ນຂົນຕາຊ້າງ ແລະ ຕົ້ນກະເດົາ ແຕ່ເປັນຕົ້ນໃຫຍ່ກວ່າໝູ່ໃນຕະກຸນດຽວກັນ, ສູງແຕ່ 20-45 ມ, ມີໜ້າຕັດກວ້າງເຖິງ 2 ມ. ລໍາຕົ້ນມີເປືອກໜາ, ແຂງ, ແຕກເຫີບ, ມີສີດໍາ, ໃບໜາ ແລະ ຂຽວເກືອບຕະຫຼອດປີ. ໃບປະສົມປາຍຄູ່, ມີໃບຍ່ອຍ 4-8 ໃບ, ສ້ວຍຄືຮູບໄຂ່, ໂຄ້ງແຄມຂອງໃບບໍ່ສະເໝີກັນ, ມີສີຂຽວເຂັ້ມ, ຜິວໃບມັນ. ດອກມີຂະໜາດນ້ອຍ ສີຂາວຫາເຫຼືອງອົມຂຽວ, ມີກິ່ນຫອມອ່ອນໆ ເມືອກາຍເປັນໝາກ ໝາກຈະມີຂະໜາດໃຫຍ່ກວ່າດອກ 10 ເທົ່າ. ເມື່ອແກ່ໝາກຈະຮູບຊົງ, ສີສັນ ແລະ ຂະໜາດພໍປານຫໍາງົວ.