ຕົ້ນໝາກລະມຸດ / Spodilla
APA 6th ed. ຕົ້ນໝາກລະມຸດ / Spodilla. (2019, April 26). Retrieved from https://www.phakhaolao.la/index.php/kb/0000470
MLA 8th ed. ຕົ້ນໝາກລະມຸດ / Spodilla. Pha Khao Lao, 26 April 2019, https://www.phakhaolao.la/index.php/kb/0000470.
Chicago 17th ed. Pha Khao Lao. 2019. "ຕົ້ນໝາກລະມຸດ / Spodilla." Published April 26, 2019. https://www.phakhaolao.la/index.php/kb/0000470.
Achras breviloba (Gilly) Lundell
Achras calderonii (Gilly) Lundell
Achras conzattii (Gilly) Lundell
Achras coriacea Lundell
ໄທ: ລະມຸດ, ລະມຸດຝັ່ຣງ
ອັງກິດ: Spodilla, apota, chikoo, nispero
ເປັນໄມ້ຢືນຕົ້ນຂະໝາດກາງ, ສູງ 5-15 ມ. ລໍາຕົ້ນຊື່ ແລະ ເປັນຊົງພຸ່ມໃຫຍ່, ເປືອກຈະມີສີເທົາ ຫຼື ສີເທົາປົນນໍ້າຕານແກ່, ຢາງສີຂາວ. ກິ່ງກ້ານ, ຈະແຕກອອກຕາມຮອຍຕາຂອງລໍາຕົ້ນ. ໃບຈັບສະຫຼັບ, ຮູບໄຂ່ ຫຼື ຮູບຮີ, ກ້ວາງ 3-6 ຊມ, ຍາວ 10-15 ຊມ, ກ້ານຍາວ 10-15 ຊມ, ແຜ່ນໃບສີຂຽວອ່ອນ ແລະ ເຫຼື້ອມ. ດອກອອກເປັນຊໍ່ຄ້າຍຄືກັບດອກຈໍາປາທີ່ເກີດຕາມປາຍກິ່ງງ່າ, ມີ 3-4 ດອກຕໍ່ຊໍ່, ດອກຈູມຄືກັບດອກບົວ ມີ 4 ຫລ່ຽມ, ປົກຄຸມດ້ວຍສີນໍ້າຕານແກ່, ເມື່ອບານຈະສັງເກດເຫັນກີບເປັນສີຂາວ, ມີ 3-4 ກີບ, ດອກສົມບູນເພດ. ໝາກກົມຄ້າຍຄືກັບໝາກກອກ ຫຼື ຄ້າຍຄືໄຂ່ຫ່ານ, ໝາກອ່ອນຮູບຮ່າງກົມ, ເມື່ອໃຫຍ່ເຕັມທີ່ເປັນຮູບສ້ວຍຍາວ, ສີນໍ້າຕານແກມເຫຼືອງ, ໝາກສຸກເປືອກສີນໍ້າຕານແກມຂາວເລັກໝ້ອຍ ແລະ ນວນແໝ້ນ.
ໝາກລະມຸດມີຄຸນຄ່າທາງດ້ານອາຫານສູງສົມຄວນ ປະກອບດ້ວຍທາດອາຫານຫຼາຍຊະນິດ. ບໍາລຸງກໍາລັງ. ທາດໂປຼຕິນ 0.5 ກຼາມ, ການຊຽມ 11 ມີນລີກຣາມ, ທາດແປ້ງ 12.5 ກຣາມ, ທາດເຫຼັກ 0.7 ມິນລີກຣາມ, ໄຂມັນ 0.5 ກຣາມ, ວິຕາມິນC 14 ມິນລີກຣາມ, ວິຕາມິນເອ 230 ໝ່ວຍ, ໄທອາມີນ 0.02 ມິນລີກຣາມ, ໂຣໂບຟຼາວິນ 0.04 ມິນລີກຣາມ, ໄນອາຊີນ 0.4 ມິນລີກຣາມ, ພະລັງງານ 51 ແຄຣໍລີ. ເປັນໝາກໄມ້ທີ່ນິຍົມຮັບປະທານ, ມີຣົດຫວານ, ນຸ່ມ, ບາງພັນກອບຫວານ. ນ້ຳຢາງສີຂາວຈາກລຳຕົ້ນ ແລະ ກີ່ງໃຊ້ເປັນຢາງຕິດແມງໄມ້. ໝາກສຸກໃຊ້ສາມາດເຮັດໝາກໄມ້ກະປ໋ອງ ຫຼື ຂວດ. ເນື້ອໝາກນຳໃຊ້ມາແປຮູບເຮັດເປັນຜະລິດຕະພັນແຍມ ແລະ ອື່ນໆ. ນອກຈາກນີ້ຍັງສາມາດເຮັດເປັນໃນຮູບແບບນ້ຳເຊື່ອມ.