ຕົ້ນຫູເສືອ / Indian borage
APA 6th ed. ຕົ້ນຫູເສືອ / Indian borage. (2019, April 3). Retrieved from https://www.phakhaolao.la/index.php/kb/0000392
MLA 8th ed. ຕົ້ນຫູເສືອ / Indian borage. Pha Khao Lao, 3 April 2019, https://www.phakhaolao.la/index.php/kb/0000392.
Chicago 17th ed. Pha Khao Lao. 2019. "ຕົ້ນຫູເສືອ / Indian borage." Published April 3, 2019. https://www.phakhaolao.la/index.php/kb/0000392.
Coleus amboinicus var. violaceus Gürke
Coleus aromaticus Benth.
Coleus carnosus Hassk.
Coleus crassifolius Benth.
Coleus subfrutectosus Summerh.
Coleus suborbicularis Zoll. & Moritzi
Coleus suganda Blanco
Coleus vaalae (Forssk.) Deflers
Majana amboinica (Lour.) Kuntze
Majana carnosa (Hassk.) Kuntze
Majana suganda (Blanco) Kuntze
Ocimum vaalae Forssk.
ໄທ: ນຽມຫູເສືອ, ຫູເສືອ
ຈີນ: ນຽມອີໄຫຼຫຼີງ, ໂຮ້ຮີ່ເຊົ່າ.
ເປັນພືດລົ້ມລຸກມີອາຍຸປະມານ 2–3 ປີ, ຄວາມສູງລຳຕົ້ນປະມານ 0.3–1 ແມັດ. ລຳຕົ້ນມີລັກສະນະອວບນ້ຳຫັກໄດ້ງ່າຍ, ກີ່ງ ແລະ ລຳຕົ້ນຂ້ອງຂ້າງກົມ. ໃບດ່ຽວອອກກົງກັນຂ້າມກັນ, ລັກສະນະຂອງໃບເປັນຮູບໄຂ່ກວ້າງ ຫຼື ເປັນຮູບສາມຫຼ່ຽມ, ປາຍໃບມົນ, ໂຄນໃບກົມ ຫຼື ຮູບຕັດ, ຂອບໃບແຂ້ວເລື້ອຍມົນ, ກວ້າງ 2.5–5 ຊັງຕີແມັດ ແລະ ຍາວ 3–8 ຊັງຕີແມັດ. ໃບເປັນສີຂຽວອ່ອນ. ແຜ່ນໃບໜາ ແລະ ອວບນ້ຳ. ຜີວໃບມີຂົນອ່ອນນຸ່ມຂື້ນປົກຄຸມຢູ່ທົ່ວທັງໃບ, ແຜ່ນໃບໂນນ, ເສັ້ນໃບເລີກ, ກ້ານໃບມີຄວາມຍາວປະມານ 2–4.5 ຊັງຕີແມັດ. ດອກເປັນຊໍ່ຍາວປະມານ 10–20 ຊັງຕີແມັດ,ອອກຢູ່ຕາມປາຍກີ່ງ ຫຼື ຍອດ, ໃນຊໍ່ໜື່ງຈະມີດອກ 6–8 ດອກ, ໃບປະດັບມີລັກສະນະເປັນຮູບໄຂ່ກວ້າງ, ຍາວປະມານ 3 – 4 ຊັງຕີແມັດ, ປາຍໃບແຫຼ້ມ, ກ້ານສັ້ນ. ໝາກ: ມີຂະໜາດນ້ອຍເປັນຮູບກົມສີນ້ຳຕານອ່ອນ, ເປືອກໝາກແຂງ, ໝາກມີຂະໜາດກວ້າງປະມານ 0.5 ມີນລີແມັດ ແລະ ຍາວປະມານ 0.7 ມີນລີແມັດ.
ໃບເປັນຢາແກ້ໄອ, ໄອຊ້ຳເຮື້ອ, ແກ້ເຈັບຄໍ, ຄໍອັກເສບ, ຕ່ອມທອນຊີນອັກເສບ ໂດຍໃຊ້ໃບສົດປະມານ 4–5 ໃບ ນຳມາແຈກເປັນແຜ່ນນ້ອຍໆແລ້ວນຳໄປຕົ້ມກັບນ້ຳ 1 ລິດ ກິນຄັ້ງລະ 1 ຈອກ, ວັນລະ 3 ເວລາ (ອາດຈະໃສ່ນ້ຳເຜີ້ງ ຫຼື ເກືອເລັກນ້ອຍກໍ່ໄດ້). ກິນກ່ອນ ຫຼື ຫຼັງອາຫານ. ອຸ່ນເຊົ້າ ແລະ ແລງ ປະມານ 2 ວັນ. ຕົ້ມດື່ມເລື້ອຍໆຈະຊ່ວຍເຮັດໃຫ້ອາການໄອ ແລະ ເຈັບຄໍດີຂື້ນ ແລະ ເຊົາໄດ້. ຫຼື ອີກວິທີໃຫ້ໃຊ້ໃບສົດປະມານ 4–5 ໃບ ນຳມາສັບກັບໝູບໍ່ຕິດມັນໃຫ້ລະອຽດໃຊ້ຕົ້ມກິນແບບແກງຈືດ, ໃສ່ເກືອປົ່ນໂດຍໃຫ້ກິນທັງນ້ຳ ແລະ ຊີ້ນ 2 ມື້ ເຊົ້າ ແລະ ແລງ, ແກ້ອາການເປັນຫວັດຕັນດັງໂດຍການນຳໃບມາຍ່ອງແລ້ວນຳມາດົມ. ນອກນັ້ນໃບຫູເສືອຍັງໃຊ້ເປັນຢາຮັກສາແຜໄຟໄໝ້ນ້ຳຮ້ອນລວກ ໂດຍການນຳໃບຫູເສືອມາລ້າງໃຫ້ສະອາດ ນຳມາຕຳແລ້ວໂພະໃສ່ບໍລິເວນທີ່ເປັນບາດແຜຈະຊ່ວຍໃຫ້ແຜບໍ່ເປື່ອຍ, ບໍ່ໂພງ ແລະ ບໍ່ໃຫ້ລາມອອກຕື່ມອິກ.