ຫວາຍສະນອຍ / Beat Up Photos

ການນຳໃຊ້

ພືດເປັນຢາ

ຊື່ວິທະຍາສາດ / ຕະກຸນ

Pothos scandens L. / Araceae

ຊື່ພ້ອງ

Pothos scandens f. angustior Engl.
Pothos scandens var. cognatus (Schott) Engl.
Pothos scandens var. helferianus Engl.
Pothos scandens var. hookeri (Schott) Engl.
Pothos scandens var. javanicus de Vriese
Pothos scandens var. sumatranus de Vriese
Pothos scandens var. zeylanicus de Vriese
Pothos scandens var. zollingerianus (Schott) Engl.

ຊື່ອື່ນ

ລາວ: ຫວາຍສະນອຍ
ໄທ: ກໍກິນບອຍເຫຼັກ, ກໍກິນບອຍນ້ອຍ, ຕະກັບ, ຫວາຍໂຊຕອຍ, ຫວາຍຕາມອຍ, ຊະເຂັບ, ໂຄ ຂິວ.
ວຽດນາມ: ເຣ ແລວ.
ມຽນມາ (ແຄວ້ນຊານ): ຫວາຍໃໝ.
ຈີນ: ຕັງ ລັງ ດາຍ ດາ

ບັນຍາຍລັກສະນະພືດສາດ

ຫວາຍສະນອຍ ເປັນພືດຈຳພວກເຄືອປີນດ້ວຍຮາກ, ມີຄວາມຍາວເຖີງ 6 ແມັດ ແລະ ຖ້າມີການທຳລາຍແພຈຸລັງສ່ວນໃດນຶ່ງ ມັນຈະຢຸດເຕີບໂຕທາງຍາວ ແຕ່ຕຸ່ມຂ້າງຈະປົ່ງ ແລະ ເຕີບໂຕແທນ. ລຳຕົ້ນຊຶ່ງອາດໃຫຍ່ເຖິງ 10 ມມ ທາງໜ້າຕັດນັ້ນ ເປັນ 4 ຫຼ່ຽມ, ມີສີຂຽວ ແຕ່ຈະກາຍເປັນສີນໍ້າຕານໝົ່ນເມື່ອແກ່ຂຶ້ນ ແລະ ເກືອບເປັນສີດຳ ເວລາມັນຕາຍ. ໃບມີເນື້ອຫຼາຍ, ສີຂຽວເຫຼື້ອມ,ຂະໜາດ 2-10 x 3-14 ຊມ, ເປັນຮູບໄຂ່, ກ້ານມີປີກ ບິດເປັນກຽວ ແລະ ຈະກາຍເປັນສີຂຽວເສົ້າເມື່ອມັນແຫ້ງ. ຫວາຍສະນອຍ ມີດອກ 1-2 ດອກ, ຂະໜາດເສັ້ນຜ່າກາງ 1-2 ມມ, ມີສີຂຽວເຫຼືອງ ຫາ ສີຂາວໂໝກ. ໝາກມີຂະໜາດ 1.8 x 1-1.4 ຊມ, ສີຂຽວ ຫາ ສີແດງສົດ.

ບັນຍາຍການນຳໃຊ້

ໝົດທຸກພາກສ່ວນຂອງຫວາຍສະນອຍ ໃຊ້ເປັນຢາແກ້ເຈັບທ້ອງ. ຢູ່ປະເທດໄທ ເຂົາເຈົ້າເອົາໝາກ ແລະ ໃບ ນຳມາຍ່ອງ ປິດບາດແຜເພື່ອຕຸດເລືອດ ແລະ ປັ່ນ, ດື່ມເພື່ອປົວບ້າໝູ ຫຼື ຝີໜອງ. ຢູ່ໃນຢູນນານ ປະເທດຈີນ ເພິ່ນນຳໃຊ້ພືດຊະນິດນີ້ມາເຮັດເປັນຢາ ປົວບາດແຜ ແລະ ພະຍາດປວດຂໍ້. ຢູ່ປະເທດວຽດນາມ ເຂົາເຈົ້ານຳໃຊ້ລຳຕົ້ນ ແລະ ໃບ ເປັນຢາປົວກະດູກແຕກຫັກ, ຟົກຊໍ້າດຳຂຽວ ແລະ ອາການໄຂ່ບວມ. ລຳຂອງມັນ ໃຊ້ສຳລັບມັດ ແລະ ສານກະຕ່າ.

ເອກະສານອ້າງອີງ / ການອ້າງອີງ

NAFRI, NUoL, SNV. 2007. Non-Timber Forest Products in the Lao PDR. A Manual of 100 Commercial and Traditional Products. The National Agriculture and Forestry Research Institute.

Roskov Y.; Kunze T.; Orrell T.; Abucay L.; Paglinawan L.; Culham A.; Bailly N.; Kirk P.; Bourgoin T.; Baillargeon G.; Decock W.; De Wever A. 2014. Didžiulis V., ed. "Species 2000 & ITIS Catalogue of Life: 2014 Annual Checklist". Species 2000: Reading, UK. Retrieved 26 November 2018.

M. Haneefa, S. Hanan, S. Guru, P. Mohanta, C. Nayar. 2012. Formulation and evaluation of herbal gel of Pothos scandens Linn. Asian Pacific Journal of Tropical Medicine Volume 3, Issue 12, December 2010, Pages 988-992.

Flora of China Editorial Committee. 2010. Flora of China (Acoraceae through Cyperaceae). 23: 1–515. In C. Y. Wu, P. H. Raven & D. Y. Hong (eds.) Fl. China. Science Press & Missouri Botanical Garden Press, Beijing & St. Louis.

ຜູ້ຮ່ວມມືໃນການສ້າງ

ຮຽບຮຽງ: ສີວິໄລ ອິນທະວົງ, ກວດແກ້: ແກ້ວອຸດອນ ສຸວັນນະກູມມານ