ຫວາຍແດງ / Red Rattan
APA 6th ed. ຫວາຍແດງ / Red Rattan. (2020, June 23). Retrieved from https://www.phakhaolao.la/index.php/kb/0000143
MLA 8th ed. ຫວາຍແດງ / Red Rattan. Pha Khao Lao, 23 June 2020, https://www.phakhaolao.la/index.php/kb/0000143.
Chicago 17th ed. Pha Khao Lao. 2020. "ຫວາຍແດງ / Red Rattan." Published June 23, 2020. https://www.phakhaolao.la/index.php/kb/0000143.
Calamus mastersianus Griff.
Calamus multirameus Ridl.
Calamus nitidus Mart.
Daemonorops guruba (Buch.-Ham. ex Mart.) Mart.
Daemonorops guruba var. mastersianus (Griff.) Mart.
Palmijuncus guruba (Buch.-Ham. ex Mart.) Kuntze
Palmijuncus nitidus (Mart.) Kuntze
ລາວ: ຫວາຍແດງ
ລັກສະນະຂອງລໍາຕົ້ນເປັນສຸ່ມ, ເປັນເຄືອ, ເສັ້ນລຳຍາວເຖິງ 20 ມ, ເສັ້ນຜ່າສູນກາງ 3 ຊມ; ກາບໃບສີຂຽວ, ມີຂົນສີນ້ຳຕານເຂັ້ມ ແລະ ສີນ້ຳຕານຈາງ, ມີໜາມສີນ້ຳຕານ, ແປ, ປາຍແຫຼມ, ຍາວ 3.5 ຊມ (ບາງຄັ້ງຍາວເຖິງ 10 ຊມ ຢູ່ປາຍກາບ) ປົກຫຸ້ມກະແຈກກະຈາຍ ເຖິງ ໜາແໜ້ນ; ຫູໃບ ເດັ່ນຊັດ, ບາງ, ເປັນລິ້ວ, ຫົ່ນງ່າຍ; ມີເຂົ່າໃບ; ມືເກາະຢູ່ກາບໃບຍາວ 3 ມ; ກ້ານໃບຍາວ 35 ຊມ; ກ້ານກາງໃບຍາວ 1.3 ຊມ, ໃບຍ່ອຍຮູບແຂບ-ຮູບຫອກ, ແຕ່ລະຂ້າງມີ 30-65 ໃບ, ໃບຍ່ອຍຮຽງສະໝໍ່າສະເໝີ, ໃບຍ່ອຍຢູ່ໃບປາຍນ້ອຍກວ່າໃບຍ່ອຍອື່ນໆ; ບໍ່ມີມືເກາະຢູ່ປາຍໃບ; ຊໍ່ດອກຍາວ 3 ມ, ມີມືເກາະ; ກາບຊ້ອນຊໍ່ດອກຫຼວມ, ກາບເປີດ, ແປ, ສີນ້ຳຕານ; ໝາກກົມ, ເສັ້ນຜ່າສູນກາງ 0.8 ຊມ; ສີເຫຼືອງ ຫຼື ສີນ້ຳຕານ. ການກະຈາຍພັນ ແລະ ຖີ່ນກຳນົດ: ຢູ່ກຳປູເຈຍ ແລະ ພາກໃຕ້ຂອງລາວ (ມີຢູ່ບັງກະລາເທດ, ບູຖານ, ຈີນ, ອິນເດຍ, ມຽນມາ, ໄທ, ເປນີຊູລາ ມາເລເຊຍ) ຢູ່ປ່າດົງດິບເຂດພູພຽງ ຫຼື ຢູ່ປ່າດົງເຂດສູງ, ປ່າຊາວານາ, ປ່າປະສົມປ່ຽນໃບ, ເຂດປ່າທີ່ມີການລົບກວນ, ປ່າແຄມທາງແຄມນ້ຳທີ່ມີລະດັບຄວາມສູງຈາກໜ້ານ້ຳທະເລ 1,200 ມ. ອອກດອກໃນຊ່ວງເດືອນທັນວາ. (ຈັນສະໜອນ ພົງອຸດົມ ແລະ ຄະນະ, 2014).
ເສັ້ນລຳຕົ້ນມີຄຸນນະພາບດີໃຊ້ສານກະຕ່າ ແລະ ເຮັດເຄື່ອງຫັດຖະກຳ.