ເມາະໝາກປີ ອາຫານຂອງຊົນເຜົ່າມະກອງ
ເມາະໝາກປີ ໜຶ່ງໃນອາຫານຂອງຊົນເຜົ່າມະກອງ
ເຮືອນຄົວລາວ
www.phakhaolao.la
ເມາະໝາກປີ ໜຶ່ງໃນອາຫານທີ່ໄດ້ຮັບຄວາມນິຍົມຊົມຊອບຂອງຊົນເຜົ່າມະກອງ ບ້ານທັບລາວ (ຈະລຸ) ເມືອງບົວລະພາ ແຂວງຄໍາມ່ວນ.
ສ່ວນປະກອບ:
- ຫົວປີ 1 ຫົວ
- ໜໍ່ຕາວຫ້າງ 5-7 ໜໍ່
- ໝາກແຄ້ງ 2 ພວງ
- ໝາກເຂືອ 3-4 ໜ່ວຍ
- ໝາກເຜັດ 3-5 ໜ່ວຍ
- ຫອມເປ 2 ຕົ້ນ
- ຫອມບົ່ວໃບ 2 ຕົ້ນ
- ຜັກບົວລະພາ 2 ຕົ້ນ
- ຜັກອີ່ເລີດ 15-20 ໃບ
- ເກືອ 1/2 ບ່ວງກາເຟ
ວິທີປຸ່ງແຕ່ງ
-
ຕົ້ມນ້ຳໃຫ້ຟົດ ຈາກນັ້ນນໍາເອົາໝາກແຄ້ງ, ໝາກເຂືອ, ຜັກອີ່ເລີດ, ຫົວປີ ແລະ ໜໍ່ຕາວຫ້າງ ໃສ່ລົງໃນໝໍ້
-
ຕົ້ມປະໄວ້ 10-15 ນາທີ ຫຼື ຈົນກ່ວາທຸກຢ່າງສຸກດີ
-
ຫຼັງຈາກນັ້ນ ຕັກອອກມາພັກໄວ້ໃຫ້ເຢັນ
-
ຕຳໝາກເຜັດ ແລະ ເກືອໃຫ້ລະອຽດ ແລ້ວນຳສ່ວນປະກອບຕ່າງໆທີ່ກຽມໄວ້ນັ້ນຕໍາໃຫ້ເຂົ້າກັນ
-
ຊອຍຫອມເປ, ຫອມບົ່ວໃບ ແລະ ຜັກບົວລະພາ ໃສ່ແລ້ວຕໍາໃຫ້ເຂົ້າກັນອີກຄັ້ງ
-
ຊີມເບິ່ງ ວ່າໄດ້ລົດຊາດຕາມທີ່ຕ້ອງການແລ້ວບໍ?
ແຫຼ່ງຂໍ້ມູນ: ນ. ສີດາ ປະຊາຊົນບ້ານທັບລາວ (ຈະລຸ) ເມືອງບົວລະພາ ແຂວງຄໍາມ່ວນ.