ເຂົ້າໜົມປ່ານ

ສ່ວນປະສົມ

• ໃບປ່ານແກ່
• ໝາກພ້າວກະຈາຂູດມຸ່ນ 500 g
• ຖົ່ວຂຽວ 300 g
• ເກືອ 1 ບ່ວງຊາ
• ນ້ຳຕານ 125 g
• ແປ້ງເຂົ້າໜຽວ 500 g
• ໃບຕອງແຫ້ງ ຂະໜາດເຈ້ຍ A4 20 ໃບ
• ໃບຕອງຂຽວ ຂະໜາດເຈ້ຍ A4 50-60 ໃບ

ວິທີກຽມໄສ້ເຂົ້າໜົມປ່ານ

1. ມ່າຖົ່ວຂຽວປະໄວ້ 30 ນາທີ
2. ນຳມາໜຶ້ງ 15-20 ນາທີ, ປະໄວ້ໃຫ້ເຢັນ
3. ນຳຖົ່ວຂຽວມາຕຳ
4. ປະສົມຖົ່ວຂຽວ, ໝາກພ້າວຂູດ, ເກືອ ແລະ ນໍ້າຕານເຂົ້າກັນ
5. ນຳມາປັ້ນເປັນຮູບມົນກົມຂະໜາດນ້ອຍກວ່າ ກ້ອນແປ້ງໜ້ອຍໜຶ່ງ

ວິທີປຸງແຕ່ງ

• ນຳໃບປ່ານມາຕາກແດດໃຫ້ແຫ້ງ 2-3 ມື້
• ນຳໄປປ່ານຕາກແຫ້ງມາຕົ້ມນ້ຳໃຫ້ເປື່ອຍ ແລ້ວນຳໄປຕຳ ກ່ອນທີ່ຈະປະສົມກັບແປ້ງເຂົ້າໜຽວ ແລ້ວຕຳໃຫ້ເຂົ້າກັນອີກເທື່ອໜຶ່ງ
• ນຳມາປັ້ນເປັນຮູບມົນກົມ ຂະໜາດນ້ອຍໃຫ່ຍຕາມຕ້ອງການ
• ນຳກ້ອນແປ້ງມາຜື ເປັນປ່ຽງ ແລ້ວໃສ່ໄສ້ຖົ່ວຂຽວທີ່ກຽມໄວ້

ວິທີການຫໍ່

1. ຫໍ່ດ້ວຍໃບຕ້ອງແຫ້ງສຳລັບຊັ້ນທີ່ໜຶ່ງ
2. ຫໍ່ດ້ວຍໃບຕອງຂຽວ 3-5 ໃບສຳລັບຊັ້ນທີ່ 2
3. ມັດດ້ວຍເສັ້ນໄມ້ຕອກ

ວິທີການໜຶ້ງ

• ນຳໄປໜຶ້ງ 3-4 ຊົ່ວໂມງ ຫຼື ຈົນກ່ວາຈະສຸກ
• ແກະໃສ່ຖ້ວຍພ້ອມຮັບປະທານ 

ເພີ່ມເຕີມ

• ເຂົ້າໜົມປ່ານມີວິທີການຫໍ່ຂ້ອນຂ້າງໜາ ແລະ ສັບຊ້ອນ
• ໃບຕອງແຫ້ງຕ້ອງເອົາໃບທີ່ແຫ້ງຈາກຕົ້ນເທົ່ານັ້ນ ເພາະໃບຕອງຕາກແຫ້ງຈະມີເຊື້ອລາ
• ໃຊ້ໃບປ່ານແກ່