ເຂົ້າໜົມຕະໂກ
ຕະໂກ ເຂົ້າໜົມພື້ນເມືອງ ຫອມຫວານມັນ ມີຫຼາກຫຼາຍລົດຊາດໃຫ້ເລືອກບໍ່ວ່າຈະເປັນສາລີ, ເຜືອກ ຫຼື ມັນດ້າງ
ເຮືອນຄົວລາວ
wongnai.com
ສ່ວນປະສົມ
- ເມັດສາລີຕົ້ມສຸກ 1 ຖ້ວຍ
- ແປ້ງຖົ່ວຂຽວ 1 ¼ ຖ້ວຍ
- ແປ້ງມັນຕົ້ນ ¼ ຖ້ວຍ
- ນ້ຳຕານ 1 ½ ຖ້ວຍ
- ນ້ຳ 3 ຖ້ວຍ
ສ່ວນປະສົມສຳລັບໜ້າຕັ້ງໂກ
- ແປ້ງສາລີ ½ ຖ້ວຍ
- ເກືອ 1 ບ່ວງຊາ
- ຫົວກະທິ 3 ½ ຖ້ວຍ
- ໃບເຕີຍ ສຳລັບເຮັດແມ່ພິມ ຫຼື ຕະໂກ
ສຳລັບ 6-7 ຄົນ
ວິທີປຸງແຕ່ງ
- ປະສົມແປ້ງຖົ່ວຂຽວ ແລະ ແປ້ງມັນຕົ້ນໃຫ້ເຂົ້າກັນ
- ລະລາຍນ້ຳຕານໃສ່ນ້ຳທີ່ຕຽມໄວ້ ແລ້ວນຳໄປປະສົມກັບແປ້ງ ຫຼັງຈາກນັ້ນກໍໃສ່ລົງໃນໝໍ້, ຂ້ຽວດ້ວຍໄຟລະດັບກາງ (ບໍ່ແຮງ ແລະ ອ່ອນຫຼາຍຈົນເກີນໄປ)
- ຫຼັງຈາກທີ່ຂ້ຽວຈົນແປ້ງໜ້ຽວແລ້ວ ໃຫ້ລົດລະດັບໄຟລົງ, ໃສ່ສາລີ ຄົນໃຫ້ເຂົ້າກັນປະມານ 2-3 ນາທີ
- ຕັກໃສ່ແມ່ພິມ ຫຼື ຕັ້ງໂກທີ່ເຮັດດ້ວຍໃບເຕີຍ
ວິທີເຮັດ ໜ້າຕະໂກ
- ໃສ່ແປ້ງສາລີ ແລະ ກະທິທີ່ຕຽມໄວ້ລົງໃນຊາມ ຄົນໃຫ້ເຂົ້າກັນ, ໃສ່ລົງໝໍ້ ຂ້ຽວດ້ວຍໄຟອ່ອນໆ ຈົນກ່ວາສ່ວນປະສົມຈະໜຽວ ແລ້ວຕັກໃສ່ຕັ້ງໂກ້ທີ່ເຮັດໄວ້
- ໂຮຍໜ້າຕະໂກດ້ວຍເມັດສາລີ
ຄຳແນະນຳ
ໃສ່ ເຜືອກ, ມັນດ້າງ, ໝາກອຶ ແທນສາລີໄດ້ຕາມຕ້ອງການ
ຂໍ້ມູນເພີ່ມເຕີມ FoodTravelTVChannel