ປ່ຽງເຕີຍ
ສະໄຫມກ່ອນບໍ່ທັນມີແປ້ງນົວ ຊາວບ້ານຈະເອົາປ່ຽງເຕີຍນີ້ທົດແທນແປ້ງນົວ ເພື່ອປຸງແຕ່ງອາຫານ, ນອກຈາກນີ້ປ່ຽງເຕີຍຍັງນໍາມາປີ້ງໄຟ ເຮັດແຈ່ວໄດ້ອີກ.
ເຮືອນຄົວລາວ
phakhaolao
ການກະກຽມ
- ນໍາເອົາຫມາກເຕີຍ (ເມັດຖົ່ວເຫຼືອງ)ທີ່ແກ່ນຕື່ງ ແລະງາມດີ ມາຕົ້ມໃຫ້ສຸກ 1-2 ນໍ້າ
- ໃຫ້ນຳເຕີຍຕົ້ມສຸກ ມາອົບໃສ່ຖັງໄມ້ທີ່ກຽມໄວ້ ແລ້ວນຳໃບຕອງມາໂອບອ້ອມ ເພື່ອອົບໄວ້ 3-4 ມື້
- ຫຼັງຈາກທີ່ອົບໄວ້ຄົບ 3 ມື້ ຄວນໄຂສັງເກດເບິ່ງ, ຖ້າຫາກໝາກເຕີຍ ຫຼື ຖົ່ວເຫຼືອງປ່ຽນເປັນສີໂຫມກໆ ນັ້ນສະແດງວ່າ ສາມາດນຳມາເຮັດປ່ຽງເຕີຍໄດ້.
ສ່ວນປະສົມ
- ໝາກເຕີຍ (ຖົ່ວເຫຼືອງ) 1 ຖວ້ຍແກງ
- ເກືອ 1ບ່ວງແກງ
- ຫົວສີໄຄ 3 ຫົວ ຊອຍມຸນ
- ໝາກເຜັດແຫ້ງ ຫຼື ໝາກເຜັດໃຫ່ຍຊຳເໜືອ 3-4 ໜ່ວຍ
ວິທີປຸງແຕ່ງ
- ຕຳຫມາກເຕີຍ ໃສ່ເກືອ, ຫົວສີໄຄ, ຫມາກເຜັດແຫ້ງ ຫຼືຫມາກເຜັດໃຫຍ່ຊໍາເຫນືອ ໃຫ່ມຸ່ນ.
- ກຽມໄມ້ເພື່ອເຮັດເປັນວົງກົມໄວ້
- ຈາກນັ້ນເອົາຫມາກເຕີຍທີ່ຕໍາມາວາງໃສ່ວົງໄມ້ ໃຊ້ບ່ວງຮີດເພື່ອແປຮູບຮ່າງໃຫ້ເປັນປ່ຽງ.
- ສານກະແຕະ ເອົາປ່ຽງເຕີຍມາຕາກແດດໃຫ້ແຫ້ງ ຈົນກ່ວາສີຂອງເຕີຍຈະເປັນສີແດງ.
ສູດເຮັດປ່ຽງເຜີຍສໍາເລັດແລ້ວ.
ຂໍ້ມູນເພີ່ມເຕີມຈາກ ປຶ້ມອາຫານ ບ້ານເຮົາ