ຂີງຂັນໝາກເບັນ / Mak Beng Ginger
APA 6th ed. ຂີງຂັນໝາກເບັນ / Mak Beng Ginger. (2020, July 13). Retrieved from https://www.phakhaolao.la/kb/0000872
MLA 8th ed. ຂີງຂັນໝາກເບັນ / Mak Beng Ginger. Pha Khao Lao, 13 July 2020, https://www.phakhaolao.la/kb/0000872.
Chicago 17th ed. Pha Khao Lao. 2020. "ຂີງຂັນໝາກເບັນ / Mak Beng Ginger." Published July 13, 2020. https://www.phakhaolao.la/kb/0000872.
Zingiber stipitatum S.Q.Tong
ເປັນພືດລົ້ມລຸກທີ່ມີເຫງົ້າໃຕ້ດິນ, ລຳຕົ້ນສູງ 1.9 ແມັດ. ໃບ 10-30 ໃບ, ຮູບແຖບ ຫຼື ຮູບໃບຫອກ, ຂະໜາດ 10-30 x 2-3 ຊັງຕິແມັດ, ປາຍໃບແຫຼມ, ກົກໃບມົນກົມ ຫຼື ຮຽວແຫຼມ, ຂອບໃບລຽບ. ກ້ານໃບຍາວ 3 ມີນລີແມັດ. ຊໍ່ດອກເກີດຈາກເຫງົ້າໃຕ້ດິນຕັ້ງຊື່, ຮູບໄຂ່, ຂະໜາດ 4.5-9 x 4-5 ຊັງຕິແມັດ, ກ້ານຊໍ່ດອກຍາວ 4-12 ຊັງຕິແມັດ. ດອກສີເຫຼືອງອ່ອນ ປົນສີບົວອ່ອນກັບສີແດງ. ໃບປະດັບຮູບມົນກົມ, ຂະໜາດ 4.2 x 3.6 ຊັງຕິແມັດ, ປາຍມົນ, ສີບົວປົນສີແດງຢູ່ປາຍ. ໃບປະດັບຍ່ອຍຮູບຂອບຂະໜານ, ປາຍມົນ. ກາບດອກ 1.3-1.5 ຊັງຕິແມັດ, ເປັນຫຼອດກ້ຽງ, ເປັນແສກເລິກດ້ານດ່ຽວ. ກີບດອກເຊື່ອມຕິດກັນເປັນຫຼອດດອກຍາວ 3.6 ຊັງຕິແມັດ, ແສກກີບດອກຮູບໄຂ່ ຫຼື ຮູບຂອບຂະໜານ-ຮູບຫອກ. ກີບປາກສີເຫຼືອງອ່ອນ, ຮູບໄຂ່ກັບ, ປາຍແຍກເປັນສອງແສກ, ໃກ້ກົກດ້ານໃນຈະມີສີມ່ວງປົນສີບົວອ່ອນ, ກີບຂ້າງຮູບຂອບຂະໜານ, ເກສອນຜູ້ ສີຂາວ. ເຕົ້າໄຂ່ກ້ຽງ. ໝາກແຫ້ງແລ້ວແຕກ.
ອອກດອກ ແລະ ໝາກປະມານເດືອນເມສາ ເຖິງກໍລະກົດ, ມັກພົບໃນປ່າປະສົມປ່ຽນໃບກັບປ່າໄມ້ປ່ອງ.
ດອກເປັນອາຫານພື້ນເມືອງຂອງເຜົ່າກືກມຸ, ເຊິ່ງໄດ້ເກັບເອົາມາຈາກປ່າ. ຊໍ່ດອກອ່ອນ ແລະ ໜໍ່ອ່ອນສາມາດນຳໃຊ້ເປັນອາຫານໂດຍການຕົ້ມ ຫຼື ລວກ, ບາງຄັ້ງກໍ່ແກງໃສ່ປາແຫ້ງ ຫຼື ປີ້ງໃຫ້ສຸກແລ້ວຕໍ່າແຈ່ວ.