ໝາກແຕງລາຍ / Musk Melon

ໝາກແຕງລາຍເປັນພືດເຄືອ, ມີລໍາຕົ້ນລາຍ, ເປັນສັນຮ່ອງຕາມລວງຍາວຂອງເຄືອ, ແຕກກິ່ງຂະແໜງ, ມີມືເກາະ ແລະ ມີຂົນຕາມລໍາຕົ້ນ. ໃບດ່ຽວຂະໜາດໃຫຍ່, ມີລັກສະນະເປັນຫຼ່ຽມມີເວົ້າເລັກນ້ອຍ, ມີຮູບຊົງກົມ ຫຼື ຮູບໄຕ, ຂອບໃບຫຍັກ, ມີແຊກ 5-7 ແຊກ, ກວ້າງ ແລະ ຍາວປະມານ 8-15 ຊມ, ກົກໃບເປັນຮູບຫົວໃຈ, ໃບມີຂົນຂຶ້ນປົກຄຸມ, ກ້ານໃບຍາວ 4-10 ຊມ. ດອກເປັນດອກສົມບູນເພດ, ດອກເປັນສີເຫຼືອງ, ມີກ້ານດອກສັ້ນ, ມີກີບຮອງດອກ 5 ກີບ ແຕ່ລະກີບຍາວ 6-8 ຊມ, ສ່ວນກີບດອກມີ 5 ກີບ ເຊື່ອມຕິດກັນບໍລິເວນກົກດອກ. ໝາກມີລັກສະນະກົມ ຫຼື ຣີຍາວ, ໝາກມີລາຍຕາມຄວາມຍາວຂອງໝາກ, ຍາວປະມານ 23 ຊມ, ເສັ້ນຜ່າສູນກາງ 14 ຊມ, ໝາກອ່ອນຈະມີສີຂຽວ ແລະ ມີລາຍສີຂາພາດຍາວ, ເມື່ອແກ່ເປືອກຈະປ່ຽນເປັນສີເຫຼືອງ, ຜິວຈະລຽບເປັນມັນ, ເນື້ອດ້ານໃນຈະມີສີເຫຼືອງອ່ອນອົມຂຽວ ໃຫ້ກິ່ນຫອມ, ມີແກ່ນຮູບແປຣີສີຄີມຈໍານວນຫຼາຍ.