ເຂົ້າໜົມອຸ້ມລຸ້ມ
ເຂົ້າໜົມອຸ້ມລຸ້ມ ເມນູເຂົ້າໜົມຫວານພື້ນບ້ານ ຫາຮັບປະທານໄດ້ຍາກແລ້ວ ມີວິທີການປຸງແບບພື້ນເມືອງອັນເປັນເອກະລັກຂອງຊາວລາວ ປະກອບດ້ວຍລົດຊາດທີ່ຫອມຫວານຈາກນໍ້າອ້ອຍເຊິ່ງເປັນໜຶ່ງໃນສ່ວນປະກອບຫຼັກ ຈະຮັບປະທານເປັນອາຫານວ່າງ ຫຼື ເຮັດຂາຍກໍໄດ້ເຊັ່ນດຽວກັນ
ເຮືອນຄົວລາວ
phakhaolao.la
ສ່ວນປະກອບ
- ເຂົ້າເປືອກ (ເຂົ້າໜຽວ)
- ນໍ້າອ້ອຍກ້ອນ
ວິທີປຸງແຕ່ງ
- ນຳເຂົ້າເປືອກມາຕາກແດດ, ຫຼັງຈາກນັ້ນກໍນຳມາຂົ້ວ ຈົນເຂົ້າພ່ອງ ແລະ ແຕກເປືອກ
- ເກັບເອົາເປືອກເຂົ້າອອກໃຫ້ໝົດ
- ກຽວນໍ້າອ້ອຍໃຫ້ໜຽວຄຸ້ນ ແລ້ວນຳມານວດກັບເຂົ້າທີ່ກຽມໄວ້
- ຫຼັງຈາກນັ້ນກໍນຳມາປັ້ນເປັນກ້ອນມົນໆ ຂະໜາດຕາມຕ້ອງການ ກໍຖືວ່າສຳເລັດແລ້ວ ສາມາດຮັບປະທານໄດ້
ແນະນຳ: ເກັບໃສ່ແກ້ວ ຫຼື ຫຼີກລ່ຽງລົມ ເພື່ອເກັບໄວ້ກິນຍາວນານ