ໝີ / Asiatic Black Bear
APA 6th ed. ໝີ / Asiatic Black Bear. (2022, May 3). Retrieved from https://www.phakhaolao.la/index.php/kb/0001415
MLA 8th ed. ໝີ / Asiatic Black Bear. Pha Khao Lao, 3 May 2022, https://www.phakhaolao.la/index.php/kb/0001415.
Chicago 17th ed. Pha Khao Lao. 2022. "ໝີ / Asiatic Black Bear." Published May 3, 2022. https://www.phakhaolao.la/index.php/kb/0001415.
Ursus torquatus (Blandford 1888)
ຊື່ສາມັນ: Asian black bear, Asiatic black bear, moon bear ແລະ white-chested bear
ໝີ - Bears ຕະກຸນ Ursidue ເປັນສັດລ້ຽງລູກດ້ວຍນົມ ຂະໜາດໃຫຍ່, ມີນໍ້າໜັກຫຼາຍ, ຫາງສັ້ນ, ເປັນສັດທີ່ມີປະສາດຮັບສຳຜັດກິນດີ, ແຕ່ຄວາມສາມາດໃນການເບິ່ງເຫັນ ແລະ ໄດ້ຍິນສຽງໜ້ອຍ. ພວກມັນກິນທຸກຢ່າງເປັນອາຫານ, ທົ່ວໂລກມີ 8 ຊະນິດ, ສປປ ລາວ ມີ 2 ຊະນິດ.
ຫມີ/ Ursus thibetanus
ຫົວ ແລະ ລໍາໂຕຍາວ: 120-150 ຊມ. ຫາງຍາວ: 6-10 ຊມ. ຈາກການຈັດຈຳແນກທີ່ຕ່າງໄປຈາກເໝືອຍຄື: ມີຂົນຍາວລຽບສີດໍາຫຸ້ມລຳໂຕ ແລະ ມີຫູຍາວມີພຽງບໍລະເວນປາກຫາຄາງກະໄຕເທົ່ານັ້ນທີ່ມີສີຂາວຈືດ, ໂຕເຕັມໄວຈະມີຂະໜາດໃຫຍ່ກວ່າເມືອຍ 2 ເທົ່າ. ມີຮູບໂຕ "v" ສີຂາວຢູ່ບໍລິເວນໜ້າເອິກ ແລະ ລາມລົງໄປເຖິງຂາໜ້າ.
ອຸປະນິໄສ: ໂດຍທົ່ວໄປເປັນສັດທີ່ມັກຢູ່ໂດດດ່ຽວ, ຈະມີຄູ່ກໍ່ຕໍ່ເມື່ອໃນລະດູປະສົມພັນເທົ່ານັ້ນ. ຕາມທຳມະຊາດແລ້ວ ຈະອອກຫາກິນໃນເວລາກາງຄືນ, ແຕ່ກໍສາມາດພົບເຫັນຕອນກາງເວັນໃນເວລາທີ່ມີໝາກໄມ້ສຸກ. ໝີອາຊີປີນຕົ້ນໄມ້ເກັ່ງມັກຈະພົບເຫັນມັນປະຮອຍອົ້ງມືໄວ້ກັບລຳຕົ້ນໄມ້ ເຊິ່ງວ່າເປັນການຍາກທີ່ຈະຈຳແນກຄວາມແຕກຕ່າງກັບ ເໝືອຍ, ພວກມັນກໍລ້ວນແຕ່ເຮັດຮັງຢູ່ເທິງຕົ້ນໄມ້ຄືກັນ, ກິນອາຫານຫຼາກຫຼາຍຊະນິດເຊັ່ນ: ໝາກໄມ້, ຍອດໄມ້, ພວກສັດບໍ່ມີກະດູກສັນຫຼັງ ແລະ ສັດມີກະດູກສັນຫຼັງຂະໜາດນ້ອຍ.
ຖິ່ນອາໄສ: ປະກົດເຫັນໃນປ່າປະສົມປ່ຽນໃບນັບແຕ່ທົ່ງພຽງຈົນເຖິງພູສູງລະດັບປານກາງ 2,190 ມ. ໃນທຸກຂົງເຂດ. ຈຳນວນນັບມື້ຫຼຸດລົງ ແລະ ກ້າວໄປສູ່ບ່ອນຫາຍາກໃນເຂດດັ່ງກ່າວ.
ສະພາບການອະນຸລັກ IUCN: ສັດເຫລົ່ານີ້ແມ່ນອ່ອນໄຫວຕໍ່ການຖືກກະທົບ
ສັດຫວງຫ້າມທີ່ມີຄວາມສ່ຽງໃກ້ສູນພັນສູງ.