ລີງຜົມແບ່ງ / Assamese Macaque
APA 6th ed. ລີງຜົມແບ່ງ / Assamese Macaque. (2022, January 22). Retrieved from https://www.phakhaolao.la/index.php/kb/0001372
MLA 8th ed. ລີງຜົມແບ່ງ / Assamese Macaque. Pha Khao Lao, 22 January 2022, https://www.phakhaolao.la/index.php/kb/0001372.
Chicago 17th ed. Pha Khao Lao. 2022. "ລີງຜົມແບ່ງ / Assamese Macaque." Published January 22, 2022. https://www.phakhaolao.la/index.php/kb/0001372.
ໄທ: ລີງອ້າຍເງີະ, ລີງອັນສັມ ຫຼື ລີງພູເຂົາ.
ຊື່ສາມັນ: Assam macaque ແລະ Assamese macaque.
ຫົວ ແລະ ລາວຍາວ: 51-63 ຊມ. ຫາງຍາວ: 20-38 ຊມ.
ຈຳແນກໄດ້ຈາກລີງອື່ນໆ ບ່ອນທີ່ມັນມີຂົນປົກຄຸມໜາ ແລະ ຫາງຢ່ອນທີ່ຍາວປະມານເຄິ່ງຂອງສ່ວນຫົວ-ລຳໂຕ, ມັນຈະຄ້າຍຄືກັບລີງວອກ, ແຕ່ອາດຈະຈຳແນກໄດ້ຈາກທີ່ມັນມີສີອອກໝົ່ນ ຫຼື ອອກນໍ້າຕານ, ໜຶ່ງສ່ວນສີ່ຂອງລໍາໂຕ, ພາກສ່ວນນີ້ຂອງລີງວອກຈະອອກສີແດງຕັດກັນກັບສີຈາງ ທີ່ຢູ່ທາງພາກສ່ວນໜ້າຢ່າງຈະແຈ້ງ. ລັກສະນະທີ່ຈໍາແນກໄດ້ ຄືມີຂົນສັ້ນເປັນຕອນຢູ່ຂະມ່ອມ, ທາງດ້ານເທິງຂອງລໍາໂຕປ່ຽນເປັນ ຫຼາຍສີຄືສີອອກແດງ, ນໍ້າຕານ ຫຼື ດໍາ.
ອຸປະນິໄສ: ທີ່ຢູ່ອາໄສຂອງມັນຈະຢູ່ເຮືອນຍອດທີ່ສູງກວ່າລີງກັງ ແລະ ລີງເສນ, ແຕ່ໃນເຂດທີ່ບໍ່ມີສິ່ງ ລົບກວນ, ມັນຈະລົງຫາກິນຢູ່ຕາມແຄມນ້ຳຄືກັນກັບລີງວອກ.
ສຽງຮ້ອງ: ມີສຽງຫຼາຍແບບມີລັກສະນະເປັນສຽງດັງຄືສຽງດົນຕີປີໂອມັກ, ຮ້ອງລື້ມຄືນຫຼາຍເທື່ອ, ການຮ້ອງນີ້ໃຫ້ທຽບໃສ່ກັບໄລຍະປ່ອຍລົມຂອງເບຼກລົດຂົນສົ່ງ, ເຊິ່ງອາດເປັນລັກສະນະທີ່ຈໍາແນກຊະນິດທີ່ມີຢູ່ໃນ ສປປ ລາວ
ຖິ່ນອາໄສ: ປ່າຕາມພູຕໍາທີ່ມີຄວາມສູງລະດັບຕັ້ງແຕ່ 500 ມ ຂຶ້ນໄປ, ປົກກະຕິຈະເປັນລີງທີ່ມີຫຼາຍທີ່ສຸດ ໃນພູ ແລະ ສາຍພູ. ມັນຍັງອາໄສຢູ່ຕາມພູເຂົາຫີນປູນລົງມາເຖິງລະດັບ 300 ມ, ຜ່ານມາໄດ້ບັນທຶກໄວ້ມີຢູ່ທີ່ເຂດປ່າສະຫງວນແຫ່ງຊາດດົງຫົວສາວ.
ເປັນລີງຫວງຫ້າມ ແລະ ຫາຍາກໃນ ສປປ ລາວ. ໃນບາງທ້ອງຖີ່ນຍັງມີການລັກລອບລ່າເພື່ອເປັນອາຫານ ແລະ ສີນຄ້າ.