ເອື້ອງສາຍນ້ຳເຜິ້ງ / Many Flowered Dendrobium
APA 6th ed. ເອື້ອງສາຍນ້ຳເຜິ້ງ / Many Flowered Dendrobium. (2019, April 3). Retrieved from https://www.phakhaolao.la/index.php/kb/0000123
MLA 8th ed. ເອື້ອງສາຍນ້ຳເຜິ້ງ / Many Flowered Dendrobium. Pha Khao Lao, 3 April 2019, https://www.phakhaolao.la/index.php/kb/0000123.
Chicago 17th ed. Pha Khao Lao. 2019. "ເອື້ອງສາຍນ້ຳເຜິ້ງ / Many Flowered Dendrobium." Published April 3, 2019. https://www.phakhaolao.la/index.php/kb/0000123.
Callista primulina (Lindl.) Kuntze
Dendrobium cretaceum Lindl.
Dendrobium nobile var. pallidiflorum Hook.
Dendrobium primulinum Lindl.
ດອກເຜິ້ງຊະນີດນີ້ເກີດເປັນສຸ່ມ, ລຳຕົ້ນເນີ່ງເລັກນ້ອຍ ຫຼື ຫ້ອຍລົງ, ມັກກົ່ງໂຄ້ງຄ້າຍກຽວ, ມັກມີເກັດຫຸ້ມລຳຕົ້ນ. ດອກຈະບານໃນຊ່ວງລະດູຮ້ອນ ເຖີງຕົ້ນລະດູໜາວ, ຊໍ່ດອກສັ້ນ, ມີໃບປະດັບຂະໜາດນ້ອຍ ປະມານ 1 ຫຼື 2 ອັນ, ດອກມີກີ່ນຫອມທີ່ເກີດຈາກຊໍ່ດອກທີປາຍລຳຕົ້ນ. ກິບດອກມັກເປັນສີຂາວ ຫຼື ສີບົວ, ກິບປາກມົນ, ຂອບມີເສັ້ນຝອຍ, ເຄີ່ງກາງກິບມັກເປັນສີເຫຼືອງອ່ອນ.
ເປັນດອກເຜິ້ງທີ່ກະຈາຍພັນຢູ່ໃນເຂດ ອະຊຳ, ພາກຕາເວັນອອກຂອງພູຫິມະໄລ, ເນປານ, ໝູ່ເກາະອັນດາມັນ, ມຽນມາ, ໄທ, ລາວ, ຢູນານ (ຈີນ) ແລະ ຫວຽດນາມ. ໃນທຳມະຊາດມັກພົບເປັນພືດອີງອາໄສຕົ້ນໄມ້ໃຫຍ່, ຫ້ອຍຕາມກີ່ງງ່າ, ພົບຢູ່ສູງຈາກໜ້ານ້ຳທະເລແຕ່ 500-1000 ມ. ດອກເຜິ້ງຊະນິດນີ້ມັກແສງຕາເວັນປະມານ 3 ຊົ່ວໂມງຕໍ່ວັນ.
ລຳຕົ້ນສົດ ຫຼື ແຫ້ງ ຊົງນໍ້າຮ້ອນເຮັດຄືຊາ ເພື່ອລ້າງສານພິດຈາກລຳໄສ້. ດອກສວຍງາມສາມາດໃຊ້ເປັນພືດປະດັບ, ລຳຕົ້ນເປັນຢາພື້ນເມືອງ, ລາຄາ 15,000-30,000 ກິບຕໍ່ເຫງົ້າ ແລະ ກິໂລສົດ, ຖ້າຕາກແຫ້ງລາຄາປະມານ 90,000 ກິບຕໍ່ກິໂລ.