ເອື້ອງພວງຍົກ / Findlay's Dendrobium

ລຳຕົ້ນກີ້ວເຂົ້າບໍລິເວັນຂໍ້, ປ້ອງບວມພ່ອງອອກ, ມີປະມານ 7 ປ້ອງ, ສີຂຽວປົນສີເຫຼືອງ, ຍາວ ປະມານ 50 ຊມ, ລຳຕົ້ນກົ່ງໂຄງເມື່ອແກ່. ໃບຮູບຮີຍາວ ຫຼື ຮູບໃບຫອກ, ປາຍໃບແຫຼມ, ສີຂຽວອ່ອນດ້ານລຸ່ມ. ດອກບານໃນຊ່ວງລະດູໜາວ ແລະ ລະດູແລ້ງ, ກ້ານດອກສັ້ນ ເກີດຈາກງ່າມໃບຂອງລຳຕົ້ນໃກ້ກັບປາຍລຳຕົ້ນ, ດອກສີຂາວ ປົນສີບົວ ແລະ ມີຈຸດສີເຫຼືອງຢູ່ເຄີ່ງກາງ. ດອກມີກີ່ນຫອມອ່ອນໆ. ໃນຊໍ່ໜື່ງມີດອກຈຳນວນໜ້ອຍມີພຽງ 1-3 ດອກ.

ດອກເຜິ້ງຊະນິດນີ້ພົບກະຈາຍພັນຢູ່ເຂດພູຫິມະໄລຂອງປະເທດຈີນ, ມຽນມາ, ໄທ, ແລະ ລາວ. ໃນທຳມະຊາດເປັນພືດທີ່ມີຂະໜາດກາງ, ມັກອາກາດເຢັນ ເປັນພືດທີ່ເກີດຕາມຕົ້ນໄມ້ ແລະ ກີ່ງງ່າຂອງຕົ້ນໄມ້, ມັກອາກາດອົບອຸ່ນ, ພົບໃນລະດັບຄວາມສູງຈາກຫນ້າທະເລແຕ່ 1000-17000 ມ, ສ່ວນຫຼາຍພົບໃນປ່າດົງດິບ ແລະ ປ່າປະສົມປ່ຽນໃບ.