ແໜມປາ
ແໜມປາ ອາຫານວ່າງ ກິນແຊບອີ່ມທ້ອງ ແລະ ຍັງໄດ້ປະໂຫຍດຈາກຜັກກັບທີ່ເປັນພືດສະໝຸນໄພເຊັ່ນ ຫອມລາບ, ຫອມປ້ອມອີກດ້ວຍ
ເຮືອນຄົວລາວ
phakhaolao.la
ສ່ວນປະກອບ
- ປານິນ ຫລື ປາຄໍ່ 2 ໂຕ
- ເຂົ້າໂຄບ 1 ຖ້ວຍນ້ອຍ
- ໝາກປີ 2 ຫົວ
- ຖົ່ວງອກ ປະລິມານຕາມຕ້ອງການ
- ໝາກແຄ້ງ ປະລິມານຕາມຕ້ອງການ
- ຫອມບົວໃບ,ຫອມປ້ອມ 5 -10 ຕົ້ນ
- ຫົວສີໄຄ 3 ຫົວ
- ໃບຂີ້ຫູດ 3 ໃບ
- ເກືອ 1 ບ່ວງກາເຟ
- ຜັກສະຫຼັດ,ຫອມລາບ,ຫອມປ້ອມ,ຫອມບົ່ວໃບ ສຳລັບພັນແໜມ
- ນ້ໍາແຈ່ວສຳລັບພັນແໜມ
ວິທີປຸງແຕ່ງ
- ຕົ້ມນໍ້າໃຫ້ຟົດດີ ໃສ່ຫົວສີໄຄ,ໃບຂີ້ຫູດ,ເກືອລົງໄປ ແລ້ວຕາມດ້ວຍປາ,ຕົ້ມໄປເລື້້ອຍໆຈົນປາສຸກ ແລ້ວກໍ່ຕັກອອກປະໄວ້ໃຫ້ເຢັນ.
- ຊອຍໝາກປີ ແລະ ຕໍາເຂົ້າໂຄບໃຫ້ມຸ່ນດີ ປະໄວ້.
- ໃຈ້ເອົາຊີ້ນປາໃຫ້ລະອຽດ
- ເອົາຊີ້ນປາ,ເຂົ້າໂຄບ,ໝາກປີ,ຖົ່ວງອກ, ນຳມາຄົນໃຫ້ເຂົ້າກັນ ປຸງລົດຊາດຕາມໃຈມັກ ແລ້ວກໍ່ໃສ່ໝາກແຄ້ງ,ຫອມບົ່ວ,ຫອມປ້ອມ .
- ພ້ອມຮັບປະທານກັບຜັກສະຫລັດ ແລະ ນໍ້າແຈ່ວແຊບໆ