ຂົ້ວປາແກ້ວ
ປາແກ້ວເປັນປາຂະໜາດນ້ອຍຄ້າຍຄືປາຊິວ ນິຍົມນຳມາປະກອບອາຫານເຊັ່ນແຈ່ວ ຫຼື ຈະຂົ້ວກໍແຊບ
ເຮືອນຄົວລາວ
phakhaolao.la
ສ່ວນປະກອບ
- ປາແກ້ວ
- ນໍ້າຕານ
- ສະອິວ
- ຫົວຜັກທຽມ
- ໃບຂີ້ຫູດ
- ນໍ້າມັນ
ວິທີປຸງແຕ່ງ
- ນຳປາແກ້ວ ມາປະສົມກັບນໍ້າຕານ ແລະ ສະອິວ ແລ້ວຄົນໃຫ້ເຂົ້າກັນ
- ຊອຍຫົວຜັກທຽມເປັນຕ່ອນນ້ອຍໆ ບາງໆ ຫຼື ຕຳໃຫ້ມຸ່ນ
- ຄ້າງໝໍ້ໃຫ້ໄຟຮ້ອນແລ້ວເທນໍ້າມັນລົງໃສ່, ກຽວກະທຽມຈົນຫວ່າຈະມີກິ່ນຫອມ ຫຼື ກາຍເປັນສີເຫຼືອງ, ຫຼັງຈາກນັ້ນກໍເທປາແກ້ວທີ່ກຽມໄວ້ໃສ່ ພ້ອມກັບໃບຂີ້ຫູດ
- ໃຊ້ເວລາຂົ້ວຢູ່ປະມານ 3-5 ນາທີ ຫຼື ຈົນກວ່າປາຈະສຸກກາຍເປັນສີເຫຼືອງງາມ
- ຕັກໃສ່ຖ້ວຍປະໄວ້ໃຫ້ເຢັນ ກໍສາມາດຮັບປະທານໄດ້
ແນະນຳ
ລະຫວ່າງທີ່ຂົ້ວປາແກ້ວຈະບໍ່ກອບ ຕ້ອງລໍຖ້າໃຫ້ເຢັນສາກ່ອນ