ການປູກໝາກຖົ່ວ

ການປູກ
  -   ເອົາແກ່ນໝາກຖົ່ວປູກໃສ່ຂຸມ ຫຼື ໜານທີ່ໄດ້ກະກຽມໄວ້ເລິກປະມານ 3 ຊມ. 
ການບົວລະບັດຮັກສາ
  -  ຫົດນໍ້າໃຫ້ພຽງພໍ, ເມື່ອຈະເລີນເຕີບໂຕດີ ແລະ ຍາວຂຶ້ນຮາວ ຫຼື ຊັ້ງ (ຄ້າງ) ແລ້ວຈຶ່ງໃຫ້ນໍ້າໜ້ອຍລົງ.
  -  ຖ້າວ່າຜັກຂະຫຍາຍຕົວຊ້າຄວນຈີ້ມດິນອ້ອມຕົ້ນໃສ່ຝຸ່ນຄອກຕາມບໍລິເວນຕົ້ນ, ຫົດນໍ້າໃຫ້ຊົມ. 
ການເກັບກ່ຽວ:
ສໍາລັບໝາກຖົ່ວຍາວສາມາດເກັບໄດ້ທັງໝາກ ແລະ ຍອດ. 
ການເກັບ ແລະ ຮັກສາໄວ້ກິນຍາວນານ
  -  ເກັບເອົາໝາກຖົ່ວ, ລ້າງນໍ້າໃຫ້ສະອາດປະໃຫ້ນໍ້າສະເດັດຫຼັງຈາກນັ້ນເອົາໃສ່ຖົງຢາງອັດໃຫ້ແໜ້ນເອົາເຂົ້າໄວ້ຕູ້ແຊ່ ຫຼື ຕູ້ເຢັນ. 
  -  ຖົ່ວພູ, ຖົ່ວຍາວ, ຖົ່ວເບີ, ສາມາດນໍາໄປລວກ ຫຼື ຕົ້ມສຸກແລ້ວນໍາໄປດອງໃສ່ຖັງ, ໄຫ, ບັ້ງໄມ້ ຫຼື ຕາກແດດໃຫ້ແຫ້ງດີ ໃສ່ຖົງຢາງອັດໃຫ້ແຫນ້ນເກັບມ້ຽນໄວ້ທີ່ຮົ່ມ ແລະ ແຫ້ງດີ. 
ຄຸນຄ່າທາງໂພຊະນາການ
ເປັນແຫຼ່ງຂອງໂປຣຕີນທີ່ປະກອບດ້ວຍວິຕາມິນເອ, ຊີ ແລະ ແຮ່ທາດທີ່ສໍາຄັນຕ່າງໆ, ເປັນອາຫານປະກອບໄດ້ເປັນຢ່າງດີ, ໂດຍສະເພາະພຶດຕະກຸນຖົ່ວສາມາດກິນທົດແທນທາດຊີ້ນໄດ້.

ຂໍ້ມູນຈາກ: ປື້ມເນື້ອໃນຄູ່ມືເຝິກອົບຮົມການຜະລິດກະສິກໍາຂອງສະຖານການສຶກສາ