Return to Knowledge Base

ຜັກອີ່ເລີດ / Heart Leaf Betel

Cite
ການນຳໃຊ້
ອາຫານ
ພືດເປັນຢາ
ຊື່ວິທະຍາສາດ / ຕະກຸນ
Piper sarmentosum Roxb / Piperaceae
ຊື່ພ້ອງ
Piper albispicum C. DC.
Piper baronii C. DC.
Piper brevicaule C. DC.
Piper lolot C. DC.
Piper pierrei C. DC.
Piper saigonense C. DC.
ຊື່ອື່ນ
ລາວ: ຜັກອີ່ເລີດ
ໄທ: ຜັກປູນາ, ຜັກພູນົກ, ພູລີງ, ປູລີງ, ປູລິງນົກ, ຜັກແຄ, ຜັກນາງເລີດ, ຜັກອີ່ເລີດ
ບັນຍາຍລັກສະນະພືດສາດ

ເປັນພືດຜັດລົ້ມລຸກ, ຄວາມສູງປະມານ 30-80 ຊມ. ລໍາຕົ້ນກົມ ທຸກພາກສ່ວນຂອງຕົ້ນມີກິ່ນຫອມ. ໃບດ່ຽວຈັບແບບລຽບສະຫຼັບ, ກ້ານໃບກົມ, ໃບເປັນຮູບຫົວໃຈ ຄວາມຍາວ 7-16 ຊມ, ກ້ວາງ 5-10 ຊມ, ມີເສັ້ນຜ່າກາງໃບມີ 5-7 ເສັ້ນ ກົກໃບຕັດ ຫຼື ມົນ, ຂອບໃບລຽບ, ປາຍໃບມັນຈະແຫຼມ, ໃບເປັນສີຂຽວເຂັ້ມ, ຈະມີລົດຊາດເຜັດອ່ອນໆ, ຜິວໃບມັນເຫຼື້ອມ, ຊໍ່ດອກແບບຮວງຫ້ອຍລົງ ຫຼື ຮວງຕັ້ງແຈບ, ອອກຢູ່ບໍລິເວນປາຍຍອດ ແລະ ຕາມງ່າມໃບ, ດອກແຍກເພດຮ່ວມຕົ້ນ ດອກເປັນສີຂາວອັດແໝ້ນ.

ບັນຍາຍການນຳໃຊ້

ໃບນໍາມາປຸງແຕ່ງໃສ່ກັບອາຫານ ໃບມີກິ່ນຫອມ ລົດຊາດເຜັດໝ້ອຍໝື່ງ ໃບນໍາເອົາມາແກງໃສ່ຊີ້ນ ແລະ ເພັ້ຍງົວ ຫຼື ຄວາຍ ໃບສົດນໍາມາເປັນຜັກພັນໝ້ຽງ ພັນປາ ແລະ ອາຫານປະເພດພັນອື່ນໆ ທາງພາກໃຕ້ສອຍຜັກອີ່ເລີດຕໍາໃສ່ໝາກມ່ວງ ມີຣົດຊາດດີ ຮາກໃຊ້ຕົ້ມນໍ້າດື່ມ ເປັນຢາປົວເບົາຫວານ ແລະ ຂັບໄລ່ລົມໃນກະເພາະ.

ເອກະສານອ້າງອີງ / ການອ້າງອີງ
ສົມສະນິດ ບົວມະນີວົງ, ທັດສະພອນ ພະໄຊສົມບັດ ແລະ ພູທົງ ໂພທິສັດ. 2017. ພືດຜັກປ່າ ທີ່ນໍາໃຊ້ເປັນອາຫານ ໃນ ສປປ ລາວ (ເຫຼັ້ມ 1). ພະນັກງານພະແນກນິເວດວິທະຍາ. ສະຖາບັນນິເວດທະຍາ ແລະ ເຕັກໂນໂລຊີ ຊີວະພາບ.
ຣັກ ພຣຶຶກຊາດ. 2552. ຄູ່ມືການປູກຜັກພື້ນບ້ານ ຄົບເຄື່ອງເລື້ອງຜັກພື້ນບ້ານທັງການປູກແລະການຕະຫຼາດ
Chong, K. Y., H. T. W. Tan & R. T. Corlett, 2009. A Checklist of the Total Vascular Plant Flora of Singapore: Native, Naturalised and Cultivated Species. Raffles Museum of Biodiversity Research, National University of Singapore, Singapore. 273 pp.
Keng, H., 1990. The Concise Flora of Singapore: Gymnosperms and Dicotyledons. Singapore University Press, Singapore. 222 pp.
Koh, H. L., T. K. Chua & C. H. Tan, 2009. A Guide to Medicinal Plants: An Illustrated, Scientific and Medicinal Approach. World Scientific Publishing, Singapore. 292 pp.
ຜູ້ຮ່ວມມືໃນການສ້າງ
ເດືອນເພັງ ສີຫາລາດ, ກວດແກ້: ແກ້ວອຸດອນ ສຸວັນນະກູມມານ
ການປະກອບສ່ວນ