ແຈ່ວແມງແຄງ
ແຈ່ວແມງແຄງກີນກັບເຂົ້າໜຽວອຸ່ນ ແລະ ລວກຜັກກັບ ແຊບແບບບ້ານໆ
ເຮືອນຄົວລາວ
www.phakhaolao.la
- ສ່ວນປະກອບ:
- ແມງແຄງ 15-20 ໂຕ
- ຫົວຫອມບົ່ວ 2 ຫົວ
- ຫົວຫອມທຽມ 3 ກີບ
- ໝາກເຜັດດິບ 5 ໜ່ວຍ
- ໃບຫອມປ້ອມ 2 ຕົ້ນ
- ເກືອ 1/4 ບ່ວງກາເຟ
- ແປ້ງນົວ 1/2 ບ່ວງກາເຟ
- ວິທີເຮັດ:
- ເອົາແມງແຄງໄປປີ້ງ ຫຼື ເອົາໄປຂົ້ວ.
- ເອົາໝາກເຜັດ, ຫົວຫອມບົ່ວ, ຫອມທຽມໄປປີ້ງໃຫ້ມັນສຸກຈາກນັ້ນກໍເອົາໄປຕໍາຕື່ມເກືອ, ແປ້ງນົວລົງໄປແລ້ວຕໍາຄົນໃຫ້ກັນຈາກນັ້ນກໍເອົາແມງແຄງລົງໄປຕໍາຄົນໃຫ້ເຂົ້າກັນອີກຮອບໜຶ່ງແລ້ວກໍຊີມເບິ່ງວ່າລົດຊາດໄດ້ແລ້ວບໍ? ຖ້າລົດຊາດໄດ້ຕາມທີ່ຕົນເອງຕ້ອງການແລ້ວຈາກນັ້ນກໍຊອຍໃບຫອມປ້ອມລົງແລ້ວຄົນໃຫ້ເຂົ້າກັນ ກໍສາມາດຮັບປະທານໄດ້!
ແນນນຳຮັບປະທານກັບເຂົ້າໜຽວອຸ່ນ ແລະ ລວມຜັກຫຼາຍຫຼາຍຊະນິດກັບ, ເປັນອາຫານພື້ນບ້ານຫາກີນໄດ້ຕາມລະດູການ, ອາຫານແຊບໆແບບບ້ານໆ.