ວິທີຫໍ່ໝົກ ຫຼື ແອບ
ອາຫານເກືອບທຸກຢ່າງໃນລາວ ນິຍົມໃຊ້ໃບຕອງເພື່ອຫໍ່ ແລະ ຍັງມີວິທີການຫໍໍ່ ຫຼາກຫຼາຍຮູບແບບເຊັ່ນ ສາມຫຼ່ຽມ, ກົມຍາວ ແລະ ແປ. ໃນຫຼວງນໍ້າທາຈະເອີ້ນຫໍ່ໝົກທີ່ນຳໄປປີ້ງ ວ່າແອບ, ຫຼວງພະບາງເອີ້ນວ່າຄະນາບ ແລະ ວຽງຈັນເອີ້ນວ່າ ຄະແນບ
ເຮືອນຄົວລາວ
phakhaolao.la
ວິທີການເຮັດຫໍ່ ຫຼື ໝົກ
1. ຕັດໃບຕອງໃຫ້ໄດ້ຂະໜາດ 25 x 30 ຊມ (ແຕ່ລະຫໍ່ ໃຊ້ 2 ໃບ). ນຳໃບຕອງໄປຕົ້ມນ້ຳ ຈົນກ່ວາຈະອ່ອນ ເພື່ອຄວາມສະດວກ ແລະ ງ່າຍ ໃນເວລາ ຫໍ່
2. ວາງຕອງທັງສອງໃບຂະໜານ ຫຼື ຂ່ວຍກັນ, ຕັກສ່ວນປະສົມທີ່ຈະຫໍ່ ໃສ່ເຄິ່ງກາງລະຫວ່າງຕອງທັງສອງໃບ ໃຫ້ພໍປະມານ
3. ໃຊ້ມືພັບສອງຂ້າງເຂົ້າຫາກັນ
4. ຈັບປາຍສົ້ນທັງສອງຂ້າງໃສ່ກັນ, ຄວນໃຫ້ເຄິ່ງກາງແໜ້ນ
5. ພັບສອງສົ້ນຂວາ ແລະ ຊ້າຍ ທີ່ເຫຼືອຫຼັງຈາກການໃສ່ສ່ວນປະສົມ ເຂົ້າຫາກັນ
6. ພັບປາຍສົ້ນທີ່ເຫຼືອຢູ່ດ້ານເທິງເຂົ້າ
7. ຂັດຫໍ່ໝົ້ກ ດ້ວຍໄມ້ນ້ອຍ ປາຍແຫຼມ
ສຳເລັດແລ້ວ
ຂໍ້ມູນຈາກ ອາຫານພາກເໜືອລາວ ປຶ້ມສູດອາຫານເຮືອນພັກທ່າເຮືອ