ປະກາດຮັບອາສາສະໜັກຮ່ວມງານກັບທີມງານພາເຂົ້າລາວ
ກອບໜ້າວຽກສຳຫຼັບອາສາສະໜັກຝຶກງານ
ຜູ້ຊ່ວຍໃນການຄຸ້ມຄອງລະບົບຖານຂໍ້ມູນ “ພາເຂົ້າລາວ”
ເປົ້າໝາຍ: ເພື່ອຮັບປະກັນໃຫ້ລະບົບພາເຂົ້າລາວ ສາມາດຜະລິດລະບົບຂໍ້ມູນຍ່ອຍຂອງຊະນິດພັນພືດ ແລະ ສັດ ຢ່າງໜ້ອຍ 15 ຫົວຂໍ້ຍ່ອຍໃນຜະລິດຕະພັນໜື່ງ.
ຄວາມຮັບຜິດຊອບສະເພາະ:
ພາຍໃຕ້ການຊີ້ນຳຂອງທີມງານ ພາເຂົ້າລາວ ແລະ ເຮັດວຽກພາຍໃຕ້ໜ່ວຍງານສື່ສານຂອງໂຄງການ ຕາບີ, ນັກສຶກສາຝຶກງານຈະມີສ່ວນໃນກິດຈະກຳຕ່າງໆໂດຍອີງຕາມການມອບໝາຍໃຫ້ຮັບຜິດຊອບແຕ່ລະໜ້າວຽກດັ່ງນີ້:
1. ດໍາເນີນການຄົ້ນຫາຂໍ້ມູນຈາກຫຼາຍແຫຼ່ງ ເພື່ອເກັບກຳຂໍ້ມູນທີ່ກ່ຽວຂ້ອງກັບຊະນິດພືດຫຼືສັດຕາມທີ່ໄດ້ຖືກມອບໃຫ້ຄົ້ນຄວ້າໂດຍປະກອບມີຂໍ້ມູນດ້ານຕ່າງໆດັ່ງນີ້:
• ການຄຸ້ມຄອງການຜະລິດ
• ຄູ່ມືດ້ານວິຊາການ
• ຂໍ້ມູນຂອງບັນດາຊ່ຽວຊານໃນລາວໃນຂົງເຂດດັ່ງກ່າວ
• ຂໍ້ມູນການຕະຫຼາດລວມທັງຜູ້ຊື້ຫຼັກ, ລາຄາ ແລະ ແນວໂນ້ມຂອງຕະຫຼາດ
• ເອກະສານຄົ້ນຄວ້າ
• ສະມາຄົມທີ່ເຮັດວຽກກ່ຽວກັບຜະລິດຕະພັນສະເພາະ
• ໂອກາດທາງດ້ານການທ່ອງທ່ຽວ
• ຮ້ານອາຫານ, ຮ້ານຄ້າ ຫຼື ອົງການຈັດຕັ້ງທີ່ສົ່ງເສີມຜະລິດຕະພັນ
2. ຊ່ວຍໃນການຈັດກອງປະຊຸມຂອງຜູ້ສະໜອງຂໍ້ມູນຫຼັກໃນການເສີມຂະຫຍາຍລະບົບຖານຂໍ້ມູນໃນຕໍ່ໜ້າ
3. ຊ່ວຍໃນການປະກອບຂໍ້ມູນລົງໃນເວັບໄຊສ໌
4. ສືບຕໍ່ຂະຫຍາຍການເຂົ້າເຖິງລະບົບພາເຂົ້າລາວຈາກນັ້ນສຶກສາ ແລະ ບັນດາຄູອາຈານ ໂດຍຜ່ານການໂຄສະນາໃນມະຫາວິທະຍາໄລຕ່າງໆ
5. ຊ່ວຍທີມງານໂຄງການ ຕາບີ ໃນການຈັດງານກິດຈະກຳຕ່າງໆເພື່ອໂຄສະນາໂຄງການໃຫ້ສັງຄົມຮັບຮູ້
6. ຄົ້ນຫາຂ່າວປະຈໍາວັນ ແລະ ກິດຈະກໍາກ່ຽວກັບການຮ່ວມມືດ້ານຊີວະນາໆພັນເພື່ອເອົາລົງໃນລະບົບ ແລະ ສື່ສັງຄົມອອນລາວຂອງພາເຂົ້າລາວ
ເງື່ອນໄຂຂອງຜູ້ສະໝັກ:
• ເປັນນັກສຶກສາທີ່ສຶກສາຂອງຄະນະວິທະຍາສາດປ່າໄມ້, ຄະນະວິທະຍາສາດທຳມະຊາດ, ຄະນະກະເສດສາດ, ຄະນະວິທະຍາສາດວິທະຍາສາດສີ່ງແວດລ້ອມ ແລະ ຕ້ອງສຶກສາປີ 2 ຂຶ້ນໄປ.
• ສາມາດນຳໃຊ້ Microsoft Office
• ມີທັກສະທາງດ້ານການສື່ສານໂດຍສະເພາະແມ່ນສາມາດນຳໃຊ້ລະບົບສື່ສັງຄົມອອນລາຍ (facebook, twitter, youtube, website)
• ມີຄວາມສາມາດສື່ສານເປັນພາສາອັງກິດ ຫຼື ພາສາສາອື່ນໆ
ຄ່າຕອບແທນ:
ທາງໂຄງການມີນະໂຍບາຍສຳລັບການຝຶກງານໂດຍທົ່ວໄປ, ຈະມີຄ່ານ້ຳມັນລົດ ແລະ ອາຫານທ່ຽງໃຫ້ ໂດຍທຽບເທົ່າ150 ໂດລາ ຕໍ່ເດືອນ (ຄິດໄລ່ຕາມວັນເຮັດວຽກຕົວຈິງ) ແລະ ຍິນດີຮັບນັກສຶກສາທີ່ມີເວລາເຮັດວຽກນຳພວກເຮົາເຄິ່ງວັນ ຫຼື ເຕັມວັນກໍໄດ້.
ຫມາຍເຫດ: ພາເຂົ້າລາວ ສະຫນັບສະຫນູນຄວາມຫຼາກຫຼາຍຂອງບົດບາດຍິງຊາຍ ແລະ ຊົນເຜົ່າເພື່ອເຂົ້າມາເຮັດວຽກຮ່ວມກັນ.
ຕໍ່ຕິດພົວພັນ: ແກ້ວອຸດອນ ສຸວັນນະກູມມານ (ດອນ) (ຜູ້ຈັດການຖານຂໍ້ມູນພາເຂົ້າລາວ)
ໂທ: 020 99199726
ອິເມລ: phakhaolao18@gmail.com or keooudone1988@gmail.com