ມອກບໍ່ວາຍ / Sundew

ການນຳໃຊ້

ພືດເປັນຢາ

ພືດປະດັບ

ຊື່ວິທະຍາສາດ / ຕະກຸນ

Drosera burmanni Vahl / DROSERACEAE

ຊື່ພ້ອງ

Drosera burmanni var. dietrichiana (Rchb.f.) Diels
Drosera dietrichiana Rchb.f.

ຊື່ອື່ນ

ໄທ: ຫຍາດນ້ຳຄ້າງ, ກະດຸມທອງ, ໝອກບໍ່ວາຍ ແລະ ຈອກບໍ່ວາຍ.
ອັງກິດ: Sundew.
Hindi: मुखजली Mukhajali.
Kannada: ಕ್ರಿಮಿಬಮ್ಧ Krimibamdha ແລະ ಹುಳ ಹಿಡಕ ಗಿಡ Hula Hidaka Gida.
Marathi: दवबिंदु Davabindu.
Assamese: Rod-mukuta.
ChinaG 锦地罗.
vietnam: Bèo đất, Cỏ bắt ruồi, Cỏ tỹ gà, Cỏ trói gà, Cẩm địa la ແລະ Trường lệ burmann.

ສະຖານະພາບການອະນຸລັກ

Least Concern

ບັນຍາຍລັກສະນະພືດສາດ

ເປັນພືດລົ້ມລຸກຂະໜາດນ້ອຍ, ອາຍຸຫຼາຍປີ, ເປັນພືດກິນແມງໄມ້. ລຳຕົ້ນສັ້ນ, ສູງ 1-2 ຊມ. ໃບດ່ຽວ, ຮຽງແບບກະຈຸກໃກ້ຮາກ, ອອກວຽນສະຫຼັບເປັນແນວລັດສະໝີ, ຮຽງຊ້ອນຕິດກັນ 2-4 ຊັ້ນ, ເສັ້ນຜ່າສູນກາງ 1-3 ຊມ, ຮູບບ່ວງ ຫຼື ຮູບໄຂ່ປີ້ນ, ໃບປ່ຽນຮູບໄປເຮັດໜ້າທີ່ຈັບແມງໄມ້, ກ້ວາງ 3-4 ມມ, ຍາວ 4-5 ມມ, ໂຄນໃບຮຽວແຫຼມ, ປາຍມົນ, ສີຂຽວອ່ອນປົນແດງ, ຜິວດ້ານເທິງ ແລະ ຂອບໃບມີຂົນຍາວສີແດງ, ປາຍຂົນມີຍົດນ້ຳໜຽວໃສ. ກ້ານໃບສັ້ນ, ຫູໃບຮູບແຖບ, ແຍກເປັນ 2 ແສກ. ຊໍ່ດອກແບບກະຈະ. ກ້ານດອກຮູບກົມ, ຍາວ 5-15 ຊມ, ສີແດງ. ດອກຍ່ອຍສີແດງ, ຈັບຮຽງສະຫຼັບເປັນແຖວດຽວບໍລິເວນປາຍກ້ານ. ກາບດອກມີ 5 ກາບ, ສີຂຽວປົນສີປົນສີນ້ຳຕານແດງ. ກີບດອກມີ 5 ກີບ, ສີຂາວ ຫຼື ສີບົວອ່ອນ. ເກສອນເພດຜູ້ມີ 5 ອັນ, ເກສອນເພດຜູ້ມີ 5 ອັນ, ແຍກຈາກກັນອິດສະຫຼະ. ໝາກຮູບກົມ, ມີຂະໜາດນ້ອຍ, ເມື່ອແຫ້ງແລ້ວແຕກ.

ລັກສະນະວິໄສ: ພົບທົ່ວໄປຕາມທົ່ງຫຍ້າໂລ່ງ, ຕາມດິນຊາຍທີ່ມີຄວາມຊຸ່ມໃນທົ່ງນາ, ມັກນ້ຳປານກາງ ຫຼື ຫຼາຍ ແລະ ມັກອງແດດຕະຫຼອດວັນ.

ການກະຈາຍພັນ: ຂະຫຍາຍພັນດ້ວຍແກ່ນ ແລະ ຂະຫຍາຍຕົວໄດ້ໄວ, ອອກດອກໃນຊ່ວງເດືອນພຶດສະພາ ຫາ ເດືອນທັນວາ.

ພຶດຕິກຳ: ເມື່ອມີແມງໄມ້ມາຕິດຂົນໃບຈະມ້ວນເຂົ້າເພື່ອກົດແມງໄມ້ ແລະ ປ່ອຍນ້ຳຍ່ອຍອອກມາ.

ບັນຍາຍການນຳໃຊ້

ສັບພະຄຸນ:

ທັງຕົ້ນ: ນຳມາຕາກແຫ້ງແລ້ວດອງເຫຼົ້າດື່ມແກ້ທ້ອງໃຄ່, ຕົ້ນສົດບົດໃຫ້ລະອຽດໃຊ້ທາແກ້ກາກເກື້ອນ, ຈຸລັງຜິວໜັງອັກເສບ, ຮັກສາງູກັດ, ນຳມາປຸ່ງເປັນຢາແກ້ບິດ, ຮັກສາຕ່ອມນ້ຳເຫຼືອງອັກເສບ, ແກ້ໄຂ້ມາລາເຣຍ ແລະ ເຮັດໃຫ້ຜິວໜັງແດງຈາກເລືອດຂັງ.
ຕົ້ນ: ມີຣົດຊາດຂົມ ຄົນຈີນນິຍົມໃຊ້ເປັນຢາແກ້ບິດ, ແກ້ຕ່ອມນ້ຳເຫຼືອງອັກເສບ, ແກ້ໄຂ້ມາລາເຣຍ ແລະ ໃຊ້ທາຖູໜວດພາຍນອກ.
ນ້ຳເມືອກໃສບໍລິເວນປາຍຂົນ: ມີໄວ້ເພື່ອັບແມງໄມ້.

ພືດປະດັບ: ຖືກນຳມາໃຊ້ເປັນພືດປະດັບ.

ເອກະສານອ້າງອີງ / ການອ້າງອີງ

Dy Phon, P. (2000). Dictionnaire des plantes utilisées au Cambodge: 1-915. Chez l'auteur, Phnom Penh, Cambodia.

Lowrie, A. & al. (2017). Drosera of the World 2: 529-1073. Redfern Natural History publications, Polle, England.

Madhavan, V., Basnett, H., Gurudeva, M.R., Yoganarasimhan, S.N. (2009). Pharmacognostical evaluation of Drosera burmannii Vahl (Droseraceae). Indian Journal of Traditional Knowledge, 8(3): 326-333.

Rundel, Ph.W., Middleton, D.J., Patterson, M.T., Monyrak, M. (2003). Structure and ecological function in a tropical montane sphagnum bog of the elephant mountains, Bokor national park, Cambodia, Nat. Hist. Bull. Siam Soc., 51(2): 185-196.

ຜູ້ຮ່ວມມືໃນການສ້າງ

Duangkhae KEONOY