ປະທຸ່ມຂົນ / Raspberry
APA 6th ed. ປະທຸ່ມຂົນ / Raspberry. (2021, July 5). Retrieved from https://www.phakhaolao.la/kb/0001233
MLA 8th ed. ປະທຸ່ມຂົນ / Raspberry. Pha Khao Lao, 5 July 2021, https://www.phakhaolao.la/kb/0001233.
Chicago 17th ed. Pha Khao Lao. 2021. "ປະທຸ່ມຂົນ / Raspberry." Published July 5, 2021. https://www.phakhaolao.la/kb/0001233.
ອັງກິດ: Raspberry, kohkihlkohkihl, Molucca bramble, Molucca raspberry, soni, wa ngandrongandro, wild raspberry, wild blackberry ແລະ eelkek.
ຫວຽດນາມ: Ngấy đảo molucca.
ໄມ້ຟຸ່ມເລືອຍ. ລຳຕົ້ນບໍ່ມີເນື້ອໄມ້, ກິ່ງກ້ານອ່ອນມີຂົນສີນ້ຳຕານ ຫຼື ສີຂາວປົກຄຸມຢ່າງໜາແໜ້ນ, ລຳຕົ້ນ ແລະ ກິ່ງກ້ານມີໜາມແຫຼມກະຈາຍຫ່າງໆ. ໃບດ່ຽວ, ອອກວຽນສະຫຼັບ, ຮູບໄຂ່, ຮູບເກືອບກົມ ຫຼື ຮູບຝາມື, ກວ້າງ 10-14 ຊມ, ໂຄນໃບຮູບຫົວໃຈ ຫຼື ວ້ຳເລິກ, ຂອບແສກແຂ້ວ, ປາຍແສກມົນ, ແຜ່ນໃບໜາຄ້າຍຄືໜັງ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ມີຂົນອ່ອນນຸ້ມສີຄີມປົກຄຸມຢ່າງໜາແໜ້ນ, ມັກມີລວດລາຍແປກຕາ. ຊໍ່ດອກແບບແຕກແໜ່ງ, ອອກບໍລິເວນງ່າມໃບໃກ້ປາຍກິ່ງ. ດອກຍ່ອຍມີຈຳນວນຫຼາຍ, ດອກບານເຕັມທີ່ມີຂະໜາດປະມານ 1.5 ຊມ, ສີຂາວມີຂົນປົກຄຸມຢ່າງໜາແໜ່້ນ. ກີບດອກມີ 5 ກີບ, ແຍກອິດສະຫຼະ. ໝາກກຸ່ມ, ຮູບກົມ, ມີເສັ້ນຜ່າສູນກາງ 1.5-2 ຊມ, ມີໝາກຍ່ອຍຈຳນວນຫຼາຍ, ຈັບຢ່າງໜາແໜ້ນ, ໝາກສຸກເນື້ອອົມນ້ຳ, ສີສົ້ມຫວານ.
ອາຫານ:
ໝາກສຸກ: ມີລົດຊາດສົ້ມຫວານຮັບປະທານໄດ້ ແລະ ໃຊ້ເຮັດແຍມໄດ້.
ໃບ: ປີ້ງໃຫ້ກອບແລ້ວນຳໄປຊົງເປັນຊາດື່ມ.
ຍອດອ່ອນ: ເຮັດໃຫ້ສຸກສາມາດມາປະກອບອາຫານໄດ້.
ສັບພະຄຸນ:
ຮາກ:ຕົ້ມດື່ມຮັກສາພະຍາດບິດ, ເປັນຢາຮັກສາເລືອດເສຍ, ບຳລຸງເລືອດ, ຮັກສາອາການພາຍໃນຮ່າງກາຍອື່ນ ແລະ ປ້ອງກັນການແທ້ງລູກ.
ເປືອກ: ມີສານ tannins ປະມານ 10% ຊ່ວຍຮັກສາແຜສົດໄດ້ດີ.
ໃບ: ຄ້ຽວກັບເກືອທາຮັກແຜ, ຕົ້ມດື່ມຮັກສາພະຍາດບິດ ແລະ ຮັກສາອາການເຈັບທ້ອງ.
ຢາງຈາກຍອດ: ຊ່ວຍກະຕຸ້ນອາລົມທາງເພດ, ຮັກສາອາການເຈັບຕາ, ຮັກສາພະຍາດຫຼອດເລືອດຫົວໃຈຕີບ, ຮັກສາຝີ, ໃຊ້ເປັນຢາຄຸມກຳເນີດ, ກະຕຸ້ນການມີປະຈຳເດືອນ.
ໝາກ: ແກ້ອາການຍ່ຽວໃສ່ບ່ອນຂອງເດັກນ້ອຍ.
ຄຸນປະໂຫຍດ:
ໝາກ: ໃຫ້ສີອາຫານ ຫຼື ສີຍ້ອມຜ້າ ໂດຍໃຫ້ສີ ສີມ່ວງ ຫຼື ສີນ້ຳເງິນອອກມົນ.