ໝາກເລີຍ / Egg Tree
APA 6th ed. ໝາກເລີຍ / Egg Tree. (2021, June 30). Retrieved from https://www.phakhaolao.la/kb/0001218
MLA 8th ed. ໝາກເລີຍ / Egg Tree. Pha Khao Lao, 30 June 2021, https://www.phakhaolao.la/kb/0001218.
Chicago 17th ed. Pha Khao Lao. 2021. "ໝາກເລີຍ / Egg Tree." Published June 30, 2021. https://www.phakhaolao.la/kb/0001218.
Garcinia pictoria (Roxb.) Engl.
Garcinia roxburghii Kurz
Garcinia tinctoria (DC.) W.Wight
Garcinia tinctoria (DC.) Dunn
Stalagmitis pictoria G.Don
Xanthochymus pictorius Roxb.
Xanthochymus tinctorius DC.
ອັງກິດ: Egg Tree, Gamboge Tree, Sour Mangosteen ແລະ Himalayan.
ຈີນ: 大爷腾煌 ແລະ 大叶藤黄.
ຫວຽດ: Bứa mủ vàng.
ເປັນໄມ້ຢືນຕົ້ນຂະໜາດກາງ, ຂຽວຕະຫຼອດປີ. ລຳຕົ້ນສູງ 10-20 ມ, ປາຍຍອດເປັນຟຸ່ມແໜ້ນ, ກິ່ງອ່ອນມີສີຂຽວເຂັ້ມ, ເປັນຫຼ່ຽມ, ແຕກຕັ້ງສາກກັບລຳຕົ້ນ, ເປືອກໜາ, ລຽບ, ສີດຳ ຫຼື ສີນ້ຳຕານ, ເປືອກໃນສີເຫຼືອງ, ມີຢາງສີຂາວຂຸ້ນ. ໃບດ່ຽວ, ອອກຮຽງກົງກັນຂ້າມກັນ, ຮູບຂອບຂະໜານ, ກວ້າງ 4-6 ຊມ, ຍາວ 7-15 ຊມ, ໂຄນໃບມົນ ຫຼື ຕັດ, ຂອບລຽບ, ປາຍມົນ, ແຜ່ນໃບໜາຄ້າຍຄືໜັງ, ໜຽວ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບທັງສອງດ້ານ, ໃບອ່ອນສີນ້ໍາຕານປົນສີບົວ, ໃບແກ່ເປັນສີເຫຼືອງ. ກ້ານໃບຍາວ 1-1.5 ຊມ. ດອກດ່ຽວ ຫຼື ເປັນຊໍ່ແບບກະຈຸກ, ອອກຕາມງ່າມໃບ, ແຍກເພດຕ່າງຕົ້ນກັນ. ດອກເພດຜູ້ມີເສັ້ນຜ່າສູນກາງປະມານ 1 ຊມ, ສີບົວ ຫຼື ສີແດງ. ກີບດອກມີ 5 ກີບ, ເນື້ອໜາ. ເກສອນເພດຜູ້ມີຈຳນວນຫຼາຍ. ໝາກຮູບກົມ, ມີເສັ້ນຜ່າສູນກາງ 3-6 ຊມ, ໝາກສຸກເປັນສີເຫຼືອງ. ແກ່ນມີ 3-5 ແກ່ນ, ຂະໜາໃຫຍ່.
ອາຫານ:
ຍອດ: ກິນເປັນຜັກໄດ້.
ໝາກ: ສຸກກິນມີລົດສົ້ມກິນເປັນໝາກໄມ້ໄດ້ ຫຼື ຈະໃຊ້ປຸ່ງລົດຊາດອາຫານ.
ສັບພະຄຸນ:
ຮາກ ແລະ ເນື້ອໄມ້: ຕົ້ມດື່ມແກ້ໄຂ້ ແລະ ແກ້ປາດົງຂໍ້.
ເປືອກຕົ້ນ:ໃຊ້ຮັກສາແຜ.
ໃບ: ຕົ້ມດື່ມແກ້ຖອກທ້ອງ.
ໝາກ: ຊ່ວຍຕ້ານເຊື້ອພະຍາດ, ຊ່ວຍຍ່ອຍອາຫານ, ແກ້ຮ້ອນໃນ ແລະ ເຮັດໃຫ້ຊຸ່ມຊື່ນ.
ຄຸນປະໂຫຍດ:
ເປືອກ: ໃຫ້ສີນ້ຳມັນໝາກກອກໃຊ້ຍ້ອມຜ້າ.
ຍອດ ແລະ ໝາກ: ເປັນອາຫານຂອງສັດປ່າຫຼາຍຊະນິດ.
ແກ່ນ: ໃຫ້ນ້ຳມັນ 17%.
ນ້ຳຈາກໝາກສຸກ: ໃຊ້ເປັນສີຍ້ອມຜົມໄດ້.
ເປັນພືດທີ່ໃຊ້ເປັນສານໃຫ້ແສງສະຫວ່າງ, ເຄືອບເງົາ, ໃຫ້ສີນ້ຳ ແລະ ສີຍ້ອມ.