ເຫັດຕາບຟານ / Orange Termite Mushroom

ດອກເຫັດກວ້າງ 50-80 ມີນລີແມັດ, ໂຄ້ງນູນແລ້ວແຜ່ກວ້າງອອກ, ຈອມແຫຼມເລັກນ້ອຍ, ຂອບງໍລົງເມື່ອດອກແກ່, ສີສົ້ມປົນສີນ້ຳຕານ, ຜິວລຽບ, ມີຮອງຮອຍລະອຽດ. ກິບດອກແຄບເລັກນ້ອຍ, ບໍ່ຕິດກ້ານດອກ, ລຽນຖີ່ ແລະ ຈິກຂາດງ່າຍ, ສີຂາວແລ້ວເປັນສີຄຣີມອົມບົວ. ກ້ານດອກ 60-100 x 7-10 ມີນລີແມັດ, ຮູບຊົງກະບອກ, ແຂງ, ສີຂາວ. ຮາກທຽມຂະໜາດ 200-250 x 5-6 ມີນລີແມັດ, ຮຽວນ້ອຍລົງໄປຈອດຮອດຮັງປວກ, ສີຂາວ, ເນື້ອບາງ, ແໜ້ນ, ສີຂາວ. ສະປໍ 4-5 x 4-7 ໄມໂຄຣແມັດ, ຮູບໄຂ່ ຫຼື ຮູບຮີຂອບຂະໜານ, ຜິວລຽບ, ເຈ້ຍໜັງບາງ, ພາຍໃນມີສານແຂວນລອຍ, ສີຄຣີມປົນສີບົວ.