ແໜຫາງຄວາຍ / Leafy bladderwort

ແໜຫາງຄວາຍເປັນພືດທີ່ອາໃສຢູ່ໃນນໍ້າ, ລໍາຕົ້ນກົມຮຽວຍາວ, ມີຂໍ້ປ້ອງລັກສະນະອ່ອນຫັກງ່າຍ. ໃບອອກກົງກັນຂ້າມເປັນກະຈຸກ 4 ໃບ, ໃບແຕກເປັນເສັ້ນນ້ອຍໆ, ຢູ່ກົກກ້ານໃບຈະໂຜ່ງອອກມາເປັນຖົງເລັກນ້ອຍ ຢູ່ທົ່ວຕົ້ນໃຊ້ໃນການດັກຈັບສັດນໍ້າຂະໜາດນ້ອຍກິນເປັນອາຫານ, ພາຍໃນຖົງມີຕ່ອມນ້ອຍໆ, ສ້າງນໍ້າຍ່ອຍໃຊ້ຍ່ອຍສັດນໍ້າຂະໜາດນ້ອຍທີ່ຫຼົ່ນໄປ. ອອກດອກເປັນຊໍ່, ຊໍ່ລະ 3-10 ດອກ, ກ້ານຊໍ່ດອກຍາວ ແລະ ແຂງ, ດອກຈະເລີນຂຶ້ນເທິງໜ້ານໍ້າ, ດອກຍ່ອຍສີເຫຼືອງສົດ, ດອກຈະປະກອບດ້ວຍກາບດອກສີຂຽວອອກເຫຼືອງ 2 ກາບ, ກົກກາບເຊື່ອມຕິດກັນ, ກີບດອກແຍກເປັນ 2 ສ່ວນ, ສ່ວນເທິງມີຂະໜາດນ້ອຍມີ 2 ແຊກ. ໝາກເປັນໝາກດ່ຽວຂ້ອນຂ້າງກົມ, ມີແກ່ນຂະໜາດນ້ອຍ, ລັກສະນະເປັນຮູບ 3 ຫຼ່ຽມແປ.