ແມງຊ້າງ / Green Weevil

ຊະນິດຮ່ວມ

ການນຳໃຊ້

ອາຫານ

ສີນຄ້າ

ຊື່ວິທະຍາສາດ / ຕະກຸນ

Hypomeces squamosus (Fabricius, 1792) / Curculionidae

ຊື່ພ້ອງ

ຊື່ອື່ນ

Thai: แมงซ้าง แมงค่อม

ພັນລະນາລັກສະນະສັນຖານ

ເປັນແມງໄມ້ປີກແຂງທີ່ສວຍງາມ, ເປັນສີເຫຼືອງ, ສີຂຽວ ແລະ ສີເທົາ, ມີລັກສະນະຄ້າຍຝຸ່ນທົ່ວໂຕ. ປີກໃນເປັນສີດຳ. ສ່ວນຫົວຍື່ນຍາວອອກຈາກລຳໂຕ. ລຳໂຕຍາວ 1.2 ຊມ. ລຳໂຕມີສີປ່ຽນແປງຕາມສະພາບແວດລ້ອມ. ປາກມີລັກສະນະເປັນງວງຍາວແບບກັດກິນ, ມີໜວດແບບຫັກສອກ, ໂດຍໂຄນຈະໃຫຍ່ ຢູ່ໃກ້ກັບມູມປາກ. ຕາປະສົມມີໜື່ງຄູ່. ຂາ 3 ຄູ່ ເປັນແບບຂາຍ່າງ. ໂຕເຕັມໄວມັກຢູ່ລວມກັນເປັນກຸ່ມ ເປັນແມງໄມ້ເຄື່ອນໄຫວຊ້າ, ເມື່ອຖືກລົບກວນຈະຕົກລົງພື້ນດິນ, ໂດຍຫົດຂາ ແລະ ໜວດເຂົ້າ ຈະບໍ່ມີການເໜັງຕິງ. ສ່ວນຫຼາຍມັກພົບເກາະກັນເປັນຄູ່ເພື່ອປະສົມພັນ ແລະ ຫາອາຫານຢູ່ຕາມຕົ້ນໄມ້ເຊັ່ນ: ຕົ້ນມ່ວງ, ລຳໄຍ, ຕົ້ນໝາກເງາະ, ຕົ້ນໝາກກ້ຽງ, ຕົ້ນສາມສາ, ຕົ້ນຄູນ, ຕົ້ນກະເລົາ, ຕົ້ນໄມ້ສັກ, ຕົ້ນຊາດ, ຕົ້ນທ້ອນ, ໄມ້ດູ່ ແລະ ອື່ນໆ.

ການສຶບພັນ ແລະ ວົງຈອນຊີວິດ

ໃນເດືອນທັນວາ-ມີນາ, ເປັນໄລຍະທີ່ແມງຊ້າງປະສົມພັນ ແລະ ວາງໄຂ່, ວາງໄຂ່ໃນດິນ, ໂຕແມ່ໜື່ງໂຕສາມາດວາງໄຂ່ໄດ້ 40-131 ໜ່ວຍ, ໂດຍອອກໄຂ່ວັນລະປະມານ 5-10 ຄັ້ງ, ແຕ່ລະຄັ້ງຫ່າງກັນ 3-4 ວັນ, ຈຳນວນໄຂ່ທີ່ອອກແຕ່ລະຄັ້ງ 3-27 ໜ່ວຍ, ໄຂ່ຈະແຕກພາຍໃນ 7-8 ວັນ ເປັນໂຕໜອນກັດກິນຮາກພືດໃນດິນ, ໜອນຈະລອກຄາບ 4-5 ຄັ້ງ. ໄລຍະທີ່ເປັນໜອນ 22-23 ວັນ. ຈາກນັ້ນຈະເຂົ້າດັກແດ້ໃນດິນ, ໄລຍະເປັນໂຕດັກແດ້ 10-15 ວັນ. ໂຕຜູ້ມີຂະໜາດນ້ອຍກວ່າໂຕແມ່. ອາຍຸໂຕເຕັມໄວ, ໂຕຜູ້ອາຍຸຍາວ 8 ເດືອນ, ໂຕແມ່ອາຍຸຍາວ 12 ເດືອນ.

ເອກະສານອ້າງອີງ / ການອ້າງອີງ

Hill, D.S. 2008. Pests of Crops in Warmer Climates and Their Control. Springer Science+Business Media, B.V.

Ho, S.H., Cheng, L.P.L., Sim, K. Y., Tan, H.T.1994. Potential of cloves (Syzygium aromaticum (L.) Merr. and Perry as a ngrain protectant against Tribolium castaneum (Herbst) and Sitophilus zeamais Motsch. Postharvest Biology and Technology 4: 179-183.

Singh, H. Al-Samararrai, F., Jaffar, M.H., Chemat, M.H. & Islam, A.K.M.S. 2013. Performance of Five Plant Extract on leaf-cutting beetle Hypomeces squamosus on Harumanis variety of Mango in Perlis, Malaysia. International Journal of Agricultural 3(1): 89-98.