ເຄືອເຂົາຮໍ / Tinospora stem
APA 6th ed. ເຄືອເຂົາຮໍ / Tinospora stem. (2019, April 3). Retrieved from https://www.phakhaolao.la/kb/0000184
MLA 8th ed. ເຄືອເຂົາຮໍ / Tinospora stem. Pha Khao Lao, 3 April 2019, https://www.phakhaolao.la/kb/0000184.
Chicago 17th ed. Pha Khao Lao. 2019. "ເຄືອເຂົາຮໍ / Tinospora stem." Published April 3, 2019. https://www.phakhaolao.la/kb/0000184.
Tinospora gibbericaulis Hand.-Mazz.
Tinospora mastersii Diels
Tinospora thorelii Gagnep.
ກຳປູເຈຍ: ບັນໂດນເປກ.
ວຽດນາມ: ທົກຊົດເຣກ, ເດ່ແທນທອງ, ເດ່ກີມີ່ນ, ເດ່ກວາກ.
ອັງກິດ: quinine liana, tinospora stem.
ເຄືອເຂົາຮໍ ເປັນເຄືອກ້ຽວ ຫຼົ່ນໃບ ມີຄວາມຍາວເຖິງ 15 ມ. ລຳຂອງມັນ ມີເສັ້ນຜ່າກາງ 1.5 ຊມ ໂພງຂຶ້ນເປັນບ່ອນໆ, ບັນຈຸມີນ້ຳຂົມ ສີຂາວ ແລະ ມີຮາກອາກາດຍາວປົ່ງອອກຈາກລຳ.ກ້ານໃບຍາວ 5-15 ຊມ, ໃບເປັນແຜ່ນບາງ ຜ່ອຍ ຂ້ອນຂ້າງເປັນຮູບໄຂ່, ຂະໜາດ 6-10 x 5-8 ຊມ, ມີເສັ້ນກ່າງໃບ 5-7 ເສັ້ນ ແຜ່ອອກຄ້າຍຕີນນົກ. ດອກເປັນດອກດ່ຽວ, ນ້ອຍ, ສີເຫຼືອງແກມຂຽວ. ໝາກມີຂະໜາດ 2 x 0.2-0.5 ຊມ, ຮູບມົນຮີ ແລະ ເປັນສີສົ້ມ, ແຕ່ວ່າ ບໍ່ຄ່ອຍມີໃຫ້ເຫັນ.
ຢາທີ່ສະກັດອອກມາຈາກລຳຂອງເຄືອເຂົາຮໍ ໃຊ້ເປັນຢາແກ້ໄຂ, ແກ້ພະຍາດຜີວເຫຼືອງ, ຕາເຫຼືອງ(ອາດມີອາການເປັນໜິ້ວຢູ່ໃນຖົງບີ ຫຼື ພະຍາດຕັບ), ປະດົງຂໍ່, ໂຣກບາດທະຍັກ, ທ້ອງຂີ້ຮາກ,ພະຍາດໄຂ້ຍຸງ, ຂ້າແມ່ທ້ອງ ແລະ ເປັນຢາລົດລະດັບນ໙ຕານໃນເລືອດ. ໃນປະເທດໄທ ລຳຂອງເຄືອເຂົາຮໍ ໄດ້ຖືກນຳໃຊ້ເພື່ອແກ້ຄັນຕາມຜີວໜັງ. ລຳເຄືອເຂົາຮໍບົດ ໄດ້ຖືກນຳໄປໃຊ້ເຮັດຢາອ້ວນ ໃຫ້ມ້າ ແລະ ງົວ ເພາະມັນຊ່ວຍກະຕຸ້ນໃຫ້ສັດຢາກອາຫານ. ສານສະກັດຈາກຮາກຂອງເຄືອເຂົາຮໍສາມາດນຳໃຊ້ເປັນຢາປາບສັດຕູພືດ.