ດອກຄັນຄາກ / India Hawthorn

ການນຳໃຊ້

ອາຫານ

ພືດເປັນຢາ

ພືດປະດັບ

ຊື່ວິທະຍາສາດ / ຕະກຸນ

Rhaphiolepis indica (L.) Lindl. ex Ker Gawl. / ROSACEAE

ຊື່ພ້ອງ

Crataegus indica L.
Crataegus rubra Lour.
Crataegus sinensis Loisel.
Eriobotrya metrosideros A.Chev.
Mespilus indica (L.) Poir.
Mespilus sinensis Poir.
Opa metrosideros Lour.
Raphiolepis indica (L.) Lindl.
Rhaphiolepis gracilis Nakai
Rhaphiolepis indica var. indica
Rhaphiolepis indica var. typica Nakai
Rhaphiolepis loureiri Spreng.
Rhaphiolepis parvibracteolata Merr.
Rhaphiolepis rubra (Lour.) Lindl.
Rhaphiolepis rugosa Nakai
Rhaphiolepis sinensis (Poir.) M.Roem.
Syzygium metrosideros DC.

ຊື່ອື່ນ

ໄທ: ພັງກີ່, ກັບແກ້ມ, ອະຫ້ວຍ, ກັບແກ, ຄັນຄາກ ແລະ ມັງສະເກຣິນ.
ອັງກິດ: India Hawthorn, cherry laurel, common Indian hawthorn ແລະ Indian hawthorn.
ຈີນ: 石斑木, 車輪梅, 春花, 革葉石斑木 ແລະ 厚葉石斑木.

ບັນຍາຍລັກສະນະພືດສາດ

ເປັນໄມ້ຟຸ່ມ. ລຳຕົ້ນສູງ 1-1.5 ມ, ແຕກກິ່ງກ້ານໜາ. ໃບດ່ຽວ, ຮຽງວຽນສະຫຼັບຮອບກິ່ງ ຫຼື ບໍລິເວນປາຍກິ່ງ, ຮູບຫອກ ຫຼື ຮູບຮີ, ກວ້າງ 0.5-4 ຊມ, ຍາວ 3-8 ຊມ, ໂຄນໃບຮຽວແຫຼມ, ຂອບລຽບ ຫຼື ເປັນແສກຕື້ນບໍລິເວນປາຍໃບ, ປາຍແຫຼມ ຫຼື ມົນ, ແຜ່ນໃບໜາແຂງ ແລະ ຍາບ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວລຽບມັນທັງສອງດ້ານ, ໃບແກ່ກ່ອນຫຼົ່ນເປັນສີແດງສົ້ມ. ຊໍ່ດອກແບບກະຈຸກ, ອອກຕາມງ່າມໃບໃກ້ປາຍກິ່ງ. ດອກຍ່ອຍຈຳນວນຫຼາຍ, ເສັ້ນຜ່າສູນກາງ 10-15 ມມ, ສີຂາວ ຫຼື ສີບົວ. ກາບດອກມີ 5 ກາບ, ຮູບໄຂ່, ສີຂຽວ. ກີບດອກມີ 5 ກີບ, ຮູບໄຂ່ປີ້ນ ຫຼື ຮູບບ່ວງ, ກວ້າງ 4-5 ມມ, ຍາວ 5-9 ມມ. ເກສອນເພດຜູ້ຈຳນວນຫຼາຍ, ໂຄນກ້ານຊູຖົງລະອອງສີເຫຼືອງ, ຖົງລະອອງສີແດງ. ເຕົ້າໄຂ່ຈັບເທິງ, ສີບົວ ຫຼື ສີແດງ. ໝາກຮູບກົມ, ຂະໜາດ 5-10 ມມ, ເນື້ອນຸ້ມ, ໝາກສຸກເປັນສີມ່ວງ ຫຼື ສີດຳ. ແກ່ນມີ 1 ແກ່ນ.

ບັນຍາຍການນຳໃຊ້

ອາຫານ:
    ໝາກສຸກ: ກິນເປັນໝາກໄມ້ໄດ້.
ສັບພະຄຸນ:
    ຮາກ: ແກ້ກະໄສ, ກະຕຸ້ນຮໍໂມນເພດຍິງ ແລະ ແກ້ປວດເມື່ອຍ.
    ທັງຕົ້ນ: ຮັກສາເບົາຫວານ ແລະ ຝົນມາແກ້ອາການຟົກຊ້ຳ.
ພືດປະດັບ:
    ຮູບຊົງຕົ້ນ, ໃບ ແລະ ດອກ: ງາມຈື່ງນິຍົມນຳມາປູກເປັນໄມ້ປະດັບ.
ຄຸນປະໂຫຍດ:
    ນ້ຳຫວານຈາກດອກ: ເປັນອາຫານຂອງແມງໄມ້ ແລະ ນົກກິນນ້ຳຫວານຫຼາຍຊະນິດ.

ເອກະສານອ້າງອີງ / ການອ້າງອີງ

Williamson, Z., Keever, G.J., Kessler, J.R., Jr., Olive, J.W. (2015). Developmental Stage of ‘Snow White’ Indian Hawthorn and ‘Sky Pencil’ Holly Affects Response to Cyclanilide. Journal of Environmental Horticulture, 33 (4): 148–154.

Liu, S., Yuan, C.-C., Xuan, T., Chen, Z.-Y. (2016). Investigation and study on roof plants in Zhanjiang. The authors - Published by Atlantis Press.

Liu, B.-B., Liu, G.-N., Hong, D.-Y., Wen, J. (2020). Eriobotrya Belongs to Rhaphiolepis (Maleae, Rosaceae): Evidence From Chloroplast Genome and Nuclear Ribosomal DNA Data. Eriobotrya Belongs to Rhaphiolepis, 10.

Toyama, H., Tagane, Sh., Chhang, Ph., Nagamasu, H., Yahara, T. (2016). Flora of Bokor National Park, Cambodia III: A New Species, Garcinia bokorensis (Clusiaceae). Acta Phytotax. Geobot. 67(1): 47–53.

ຜູ້ຮ່ວມມືໃນການສ້າງ

Duangkhae KEONOY