ງ້ວນໃບໃຫຍ່ / Cowslip creeper

ລຳຕົ້ນເປັນລຳເລືອ ພັນຕາມຕົ້ນໄມ້ໃຫຍ່, ຮູບກົມ, ພາກສ່ວນອ່ອນສີຂຽວປົນແດງ, ພາກສ່ວນແກ່ສີນ້ຳຕານ. ໃບດ່ຽວ, ຈັບຮຽງກົງກັນຂ້າມສອງແຜ່ນພຽງສະຫຼັບຕັ້ງສາກ, ຮູບຫົວໃຈ, ກ້ວາງ 4-8 ຊມ, ຍາວ 6-10 ຊມ, ໂຄນໃບຮູບຫົວໃຈ, ຂອບລຽບ, ປາຍແຫຼມ, ແຜ່ນໃບບາງຄ້າຍຄືເຈ້ຍ, ຜິວໃບດ້ານເທິງສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວມີຂົນສັ້ັັັນກະຈາຍຢູ່ທົ່ວແຜ່ນໃບ. ກ້ານໃບກົມ, ຍາວ 1-2 ຊມ, ສີຂຽວ. ຊໍ່ດອກແບບກະຈຸກ, ອອກຕາມງ່າມໃບ. ດອກຍ່ອຍມີ 8-20 ດອກ, ຮູບລຳໂພງ. ກາບດອກມີ 5 ກາບ, ຮູບໄຂ່, ຂອບລຽບ, ປາບແຫຼມ, ສີຂຽວ, ມີຂົນປົກຄຸມຢ່າງໜາແໜ້ນ. ກີບດອກເຊື່ອມຕິດກັນເປັນຫຼອດ, ຮູບທໍ່ກົມ, ພາຍໃນກີບດອກມີຂົນຢ່າງອ່ອນນຸ້ມຈັບຢູ່ຢ່າງໜາແໜ້ນ, ປາຍແຍກອອກເປັນ 5 ແສກ, ຮູບໄຂ່, ຮູບຫອກ ຫຼື ຮູບຮີ, ກ້ວາງ 0.3-0.5 ຊມ, ຍາວ 0.8-1 ຊມ, ສີເຫຼືອງປົນສີສົ້ມ. ເກສອນຜູ້ມີ 2 ອັນ, ຮູບແກ່ນຖົ່ວ, ສີຂາວ. ເຕົ້າໄຂ່ຮູບໄຂ່, ຄໍເຕົ້າໄຂ່ຍາວປະມານ 3 ມມ, ຮວງຮັບນູນຂຶ້ນເລັກນ້ອຍ. ໝາກເປັນຝັກ, ຮູບຮີ, ຍາວ 5-8 ຊມ, ໝາກແຫ້ງແລ້ວແຕກ. ແກ່ນມີເສັ້ນໄຍສີຂາວ, ມີຂະໜາດນ້ອຍ, ສີນ້ຳຕານ ຫຼື ສີດຳ.