ກົບນາ / East Asian Bullfrog

Associated Species

Use

Food

Income

Medicine

Scientific Name / Family

Hoplobatrachus rugulosus (Wiegmann, 1835)

Synonyms

Rana rugulosa Wiegmann, 1834
Rana tigrina Steindachner, 1867 ssp. pantherina

Other Names

Chinese: 虎纹蛙
Eng: Chinese Edible Frog, East Asian Bullfrog, Taiwanese Frog

Conservation Status

Least Concern

Physical Description

ມີຂະໜາດລຳຕົວໃຫຍ່, ຍາວ 7-10 ຊມ, ລຳຕົວຍາວ, ຕາໃຫຍ່, ຜິວໜັງລຳຕົວດ້ານຫຼັງມີຕຸ່ມເປັນແຖວຄ່ອນຂ້າງຂະໜານກັນ 9-10 ແຖວ, ແຕ່ຜິວລຳຕົວດ້ານທ້ອງລຽບ, ມີຮອຍພັບຂອງຜິວໜັງຈາກດ້ານທ້າຍຕາໄປທີ່ຂອບເທີງຂອງແຜ່ນເຍື່ອແກ້ວຫູ ແລະ ໂຄງລົງໄປຫາກົກຂາຄູ່ໜ້າ. ດ້ານຫຼັງເປັນສີນ້ຳຕານອົມສີຂຽວ ຫຼື ສີນ້ຳຕານເຫຼືອງ, ສີທີ່ດ້ານຂ້າງລຳຕົວຈາງກວ່າທີ່ດ້ານຫຼັງມີຈຸດສີເຂັ້ມກະຈາຍທົ່ວຢູ່ດ້ານເທີງ, ດ້ານທ້ອງສີຂາວ, ໃຕ້ຄາງສີເທົາ ແລະ ມີຈຸດ ຫຼື ຂິດສີດຳກະຈາຍ, ຄາງຂອງເພດຜູ້ໄວປະສົມພັນມີຖົງສຽງ 1 ຄູ່ຊັດເຈນ. ຂາໜ້າ ແລະ ຂາຫຼັງມີເສັ້ນສີເຂັ້ມພາດຂວາງ ແຕ່ບໍ່ຊັດເຈນ, ທາງດ້ານໜ້າຂອງໂກກຂາຫຼັງມີຈຸດສີດຳລຽງຕົວເປັນແຖວຕາມລວງຍາວ. ຂາໜ້າ ແລະ ຂາຫຼັງຄ່ອນຂ້າງສັ້ນ, ເມື່ອພັບຂາຫຼັງແນບກັບລຳຕົວໄປທາງດ້ານໜ້າ, ຂໍ້ຕິນຢູ່ໃນຕໍ່າແໜ່ງດ້ານໜ້າຂອງຕາ, ນິ້ວຕິນໜ້າບໍ່ມີແຜ່ນລະຫວ່າງນີ້ວ, ນິ້ວຕິນຫຼັງມີແຜ່ນໜັງປະມານ 3/4 ຂອງຄວາມຍາວນິ້ວ, ສ່ວນປາຍຂອງນິ້ວຮຽວ. ຮວກກົບນາມີຂະໜາດຕົວໃຫຍ່, ລຳຕົວປ້ອມ ແລະ ເປັນສີນ້ຳຕານ, ມີຈຸດສີດຳລຽງຕົວເປັນແຖວຫຼັງ ແລະ ທີ່ດ້ານເທີງຂອງຫາງ, ແຜ່ນຄີຫາງໃຫຍ່, ສີນ້ຳຕານອ່ອນ ແລະ ມີຈຸດນ້ອຍໆສີດຳກະຈາຍ, ປາກຢູ່ປາຍສຸດຂອງຫົວຄ່ອນມາທາງດ້ານລຸ່ມ, ຊ່ອງປາກໃຫຍ່, ຕຸ່ມແຂ້ວໃນໂພ້ງປາກມີຈຳນວນແຖວ ແລະ ລັກສະນະການລຽງຕົວເປັນສູດ II:3+3/3+3:II, ຈະງອຍປາກໃຫຍ່ ແລະ ຂອບເປັນຮອຍແຂ້ວທັ້ງດ້ານເທີງ ແລະ ດ້ານລຸ່ມ.

Description of Use

ອາຫານ:

ຊີ້ນ: ນຳມາໃຊ້ເປັນອາຫານໄດ້ຫຼາຍເມນູ

ສິນຄ້າ: ກົບເປັນສັດເສດຖະກິດທີນິຍົມນຳມາລ້ຽງຂາຍເປັນເສດຖະກິດຄອບຄົວ

ສະພະຄຸນທາງການຢາ: ນັກວິທະຍາສາດຈາກປະເທດໄອສແລນ ຄົ້ນພົບໂປຣຕີນ ຫຼື ເປບໄທນ໌ 2 ຊະນິດຈາກຢາງໃນໜັງກົບ ເຊິ່ງໂປຣຕີນເຫຼົ່ານີ້ສາມາດປ້ອງກັນ, ຢັ້ບຢັ້ງງອກເອງ ແລະ ການຈະເລີນເຕີບໂຕຂອງເສັ້ນເລືອດເຊິ່ງອາດຈະນຳມາໃຊ້ຮັກສາມະເຣັງໄດ້ໃນອານາຄົດ.

ໂພຊະນາການ:

ລູກກົບ ຫຼື ຮວກ: ມີໂປຣຕີນ 16,42%, ໄຂມັນ 1.12%, ເສັ້ນໄຍ 0.42%, ໃຫ້ພະລັງງານ 44,26%, ແຄລຊ້ຽມ 0,120% ແລະ ຟອສຟໍຣັສ 0,212%

ກົບເຕັບໄວ: ມີໂປຣຕີນ 16,29%, ໄຂມັນ 1.57% (ໂຕແມ່ 1,64%), ເສັ້ນໄຍ 0.42% (ໂຕແມ່ 0,46%), ໃຫ້ພະລັງງານ 50,96% (ໂຕແມ່ 50,34%), ແຄລຊ້ຽມ 0,047% (ໂຕແມ່ 0.078) ແລະ ຟອສຟໍຣັສ 0,146% (ໂຕແມ່ 0.142%)

Reproduction and Lifecycle

ໂຕເຕັມທີ່ ແລະ ພ້ອມທີ່ຈະປະສົມພັນຈະສັງເກດເຫັນຖົງສຽງຂອງຕົວຜູ້ຢູ່ກ້ອງຄາງ, ເປັນຮອຍສີດຳ, ຖົງສຽງເກີດຈາກການຮ້ອງຫາຄູ່ໃນຊ່ວງປະສົມພັນ, ຕົວຜູ້ພ້ອມທີ່ຈະປະສົມພັນໃນຊ່ວງນີ້ ລຳຕົວຈະມີສີເຫຼືອງ ນິ້ວຕິນດ້ານໜ້າຈະມີຕຸ່ມທີ່ຂະຫຍາຍຕົວໃຫຍ່ຂື້ນ, ສັງເກດເຫັນໄດ້ຊັດເຈນ, ຕຸ່ມນີ້ຈະມີໄວ້ເພື່ອເກາະຕົວແມ່ ແລະ ເມື່ອໝົດລະດູປະສົມພັນຕຸ່ມນີ້ຈະຫາຍໄປ, ໂດຍມີຊ່ວງປະສົມພັນຢູ່ລະຫວ່າງເດືອນມີນາ-ກັນຍາ, ເຂົ້າສູ່ໄວສືບພັນມີອາຍຸໄດ້ 1 ປີ, ວາງໄຂ່ຄັ້ງລະ 1,500-3,000 ໜ່ວຍຕໍ່ຄັ້ງ, ໄລຍະການຟັກໄຂ່ກາຍເປັນຮວກຈະໃຊ້ເວລາ 26-36 ຊົ່ວງໂມງ, ເມື່ອເປັນຮວກນ້ອຍແລ້ວຈະໃຊ້ເວລາ 25-45 ວັນຈື່ງເປັນຕົວກົບນ້ອຍ. ມັກລີ້ຕາມຟຸ່ມໄມ້, ກ້ອງຂ້ອນໄມ້ທີ່ຢູ່ຕາມຂອບແຫຼ່ງນ້ຳ ຫຼື ແຄມທົ່ງນາ. ເມື່ອຖືກຫຼົບກວນຈະໂດດລົງນ້ຳ ແລະ ອອກຫາກິນເວລາກາງຄືນໃນພື້ນທີ່ຊຸ່ມນ້ຳ. ອາໄສຢູ່ໄດ້ຕາມບ່ອນນ້ຳໄຫຼ ແລະ ນ້ຳນີ່ງ, ແຕ່ບ່ອນວາງໄຂ່ຈະເປັນບ່ອນນ້ຳນິ່ງ, ສ່ວນນ້ຳໄຫຼ ຈະມັກຢູ່ເມື່ອລະດູແລ້ງ ຈະຢູ່ໂພງດິນ ເມື່ອຮອດຕົ້ນລະດູຝົນຈື່ງອອກມາຫາຄູ່ເພື່ອປະສົມພັນ, ຕົວຂອງມັນຊ່ວງນີ້ຈະເປັນສີເຫຼືອງ. ຮວກກົບນາມັກລ່າເຫຍື່ອເປັນອາຫານ, ຖ້າບໍ່ມີອາຫານກີນ ມັນຈະກັດກີນກັນເອງ. ອາຫານຂອງພວກມັນແມ່ນລູກຍຸ້ງ, ແມງໄມ້ນ້ຳ ແລະ ແພງຕອນສັດຕ່າງໆ.

References / Citations

Frost, D.R. 2013. Amphibian Species of the World: an Online Reference. Version 5.6 (9 January 2013). Electronic Database. American Museum of Natural History, New York, USA.Available at: http://research.amnh.org/herpetology/amphibia/index.html.

Stuart, B.L. 1999. Amphibians and Reptiles. In: Duckworth, J.W., Salter R.E. and Khounboline, K. (eds), Wildlife in Lao PDR: 1999 Status Report, pp. 43-67. IUCN/WCS/CPAWM, Vientiane.

Yang, Y.-J. 1998. A Field Guide to the Frogs and Toads of Taiwan. Nature and Ecology Photographer's Society, Taipei.

Ye, C.-Y, Fei, L. and Hu, S.Q. 1993. Rare and Economic Amphibians of China. Sichuan Publishing House of Science and Technology, Chengdu

Zhao, E.-M. and Adler, K. 1993. Herpetology of China. Society for the Study of Amphibians and Reptiles, Oxford, Ohio.

Zug, G.R., Win, H., Thin T., Min, T.Z., Lhon, W.Z. and Kyaw, K. 1998. Herpetofauna of the Chatthin W.S., North-central Myanmar with preliminary observations of their natural history. Hamadryad 23(2): 111-120.