ປາເພ້ຍ / Black Shark Fish

ລຳຕົວຍາວຮຽວເລັກນ້ອຍ, ສັນຫຼັງໂຄ້ງນູນ, ສ່ວນທ້ອງແປ, ສີລຳຕົວ ແລະ ຄີທຸກຄີສີດຳເຂັ້ມ ຫຼື ສີຟ້າອົມດຳ ຫຼື ສີເທົາປົນສີນ້ຳຕານ, ເມື່ອອາຍຸຫຼາຍບໍລິເວນຂອງເກັດທີ່ຢູ່ບໍລິເວນດ້ານຂ້າງລຳຕົວມີຈຸດສີແດງ, ດ້ານລຸ່ມຂອງສ່ວນຫົວ ແລະ ບໍລິເວນທ້ອງຈະມີສີຈາງກວ່າບໍລິເວນຫຼັງ ແລະ ບໍລິເວນດ້ານຂ້າງລຳຕົວ, ປາກຢູ່ຕໍ່າຍືດຫົດໄດ້ ແລະ ມີລັກສະນະເປັນປາກດູດ, ຮີມປາກເທີງ ແລະ ລຸ່ມເປັນຄື້ນ, ມີໜວດ 2 ຄູ່, ຄີຫຼັງມີຂະໜາດໃຫຍ່ ແລະ ສູງກວ່າ ເມື່ອປຽບທຽບກັບຄວາມຍາວຂອງຫົວ ແລະ ຄວາມເລິກຂອງລຳຕົວ, ພົບວ່າຄວາມສູງຂອງຄີຫຼັງຫຼາຍກວ່າຄວາມຍາວຂອງຫົວ ແລະ ຍາວເທົ່າໆກັນ ຫຼື ຍາວກວ່າເລັກນ້ອຍ. ຄີທ້ອງຍາວເຖິງຄີກົ້ນ, ຄີຫາງວ້ຳເລິກເປັນສອງແສກ, ປາເພ້ຍເປັນປາຂະໜາດໃຫຍ່ນິຍົມບໍລິໂພກ ເນື່ອງຈາກມີລົດຊາດແຊບ, ລູກປາຂະໜາດນ້ອຍນິຍົມລ້ຽງເປັນປາສວຍງາມ, ຂະໜາດສະເລ່ຍຍາວປະມານ 25 ຊມ. ອາຫານຂອງພວກມັນແມ່ນໄຄຫິນ, ພືດນ້ຳຂະໜາດນ້ອຍ, ຊາກພືດ, ແພງຕອນ ແລະ ຕົວອ່ອນຂອງແມ່ນໄມ້ນ້ຳ.