ບາເລືອດ / Wild Mutmeg

ການນຳໃຊ້

ພືດເປັນຢາ

ສີ່ງປູກສ້າງ

ຊື່ວິທະຍາສາດ / ຕະກຸນ

Knema globularia (Lam.) Warb. / MYRISTICACEAE

ຊື່ພ້ອງ

Knema corticosa Lour.
Knema corticosa var. tonkinensis Warb.
Knema missionis (Wall. ex King) Warb.
Knema sphaerula (Hook. f.) Airy Shaw
Knema wangii Hu
Myristica corticosa (Lour.) Hook. f. & Thomson
Myristica glaucescens Hook. f. & Thomson
Myristica globularia Lam.
Myristica lanceolata Wall.
Myristica missionis Wall. ex King
Myristica sphaerula Hook. f.

ຊື່ອື່ນ

ໄທ: ກະຫັນ, ກາຫັ້ນ, ລາຫັນ, ເລືອດມ້າ, ຕູໂມະຍໍ, ຫັນ, ຫັນລັດ, ຊິງຊອງ, ສີຊວງ, ຕີນຕັງ, ມະເລືອດ, ກຣະເບົາເລືອດ, ສະມິງຄຳລາມ ແລະ ເມືອດເລືອດ.
ອັງກິດ: Wild Mutmeg, Small-Leaved Nutmeg, Gerahan, Merbatu Kechil, Penarahan Padi ແລະ Cendarah Padi.
ຈີນ: 小叶红光树.

ສະຖານະພາບການອະນຸລັກ

Least Concern

ບັນຍາຍລັກສະນະພືດສາດ

ຈັດເປັນໄມ້ຢືນຕົ້ນ, ຂຽວຕະຫຼອດປີ. ລຳຕົ້ນສູງ 10-25 ມ ແລະ ອາດສູງປະມານ 30 ມ, ປາຍຍອດເປັນຟຸ່ມສູງ ແລະ ໝາ, ເປືອກລຳຕົ້ນແຕກເປັນສະເກັດ, ເປືອກດ້ານນອກເປັນສີນ້ຳຕານ ຫຼື ສີເທົາເຂັ້ມ, ເປືອກໃນເປັນສີບົວ, ຍອດ, ໃບອ່ອນ ແລະ ຊໍ່ດອກມີເກັດເປັນຂຸຍສີນ້ຳຕານ. ໃບດ່ຽວ, ອອກຮຽງສະຫຼັບ, ຮູບຂອບຂະໜານ ຫຼື ຮູບຫອກ, ໃບກວ້າງ 3-4 ຊມ, ຍາວ 10-16 ຊມ, ໂຄນໃບແຫຼມ ຫຼື ມົນ, ຂອບລຽບ, ປາຍແຫຼມ ຫຼື ຮຽວຍາວ, ຜິວໃບດ້ານເທິງສີຂຽວເຂັ້ມ, ລຽບມັນ, ຜິວໃບດ້ານລຸ່ມສີຂຽວອ່ອນ ຫຼື ສີຂາວນວນ, ແຜ່ນໃບບາງຄ້າຍຄືໜັງ. ກ້ານໃບຍາວປະມານ 1 ຊມ, ມີຂົນສີນ້ຳຕານ. ຊໍ່ດອກແບບກະຈຸກ, ອອກຕາມງ່າມໃບ ຫຼື ອອກຕາມກິ່ງ, ດອກແຍກເພດຕ່າງຕົ້ນກັນ. ດອກຍ່ອຍມີຂະໜາດນ້ອຍ, ສີເຫຼືອງນວນ ຫຼື ສີເຫຼືອງປົນສີນ້ຳຕານ, ດ້ານໃນດອກເປັນສີມ່ວງແດງ. ດອກເພດຜູ້ເປັນຮູບຫຼອດ, ຍາວປະມານ 4 ມມ. ດອກເພດແມ່ຮູບໄຂ່ ຫຼື ຮູບຂອບຂະໜານ. ກີບດອກມີ 3 ກີບ, ຮູບໄຂ່, ຍາວປະມານ 4 ມມ. ໝາກຮູບກົມ ຫຼື ຮູບຮີ, ກວ້າງ 1-1.5 ຊມ, ຍາວ 1.5-2 ຊມ, ມີສັນຍາວຕາມຄວາມຍາວຂອງໝາກ, ຜິວເປືອກມີຂົນສີນ້ຳຕານ, ໝາກແກ່ປ່ຽນເປັນສີສົ້ມ ແລະ ແຕກອອກເປັນ 2 ແສກ. ແກ່ນມີ 1 ແກ່ນ, ສີດຳລຽບ, ປົກຄຸມດ້ວຍເຍື້ອສີແດງ.

ບັນຍາຍການນຳໃຊ້

ສັບພະຄຸນ:
    ເປືອກ: ໃຊ້ດອງເຫຼົ້າບຳລຸງກຳລັງ.
    ນ້ຳມັນທີ່ໄດ້ຈາກແກ່ນ: ເປັນຢາຮັກສາພະຍາດຜິວໜັງ ແລະ ຫິດ ໂດຍມີສານ benzyl benzoate.
ສິ່ງປຸກສ້າງ:
    ເນື້ອໄມ້: ນຳມາໃຊ້ໃນການກໍ່ສ້າງພາຍໃນບ້ານ.
ຄຸນປະໂຫຍດ:
    ນ້ຳມັນຈາກແກ່ນ: ໃຊ້ເຮັດສະບູ ແລະ ໃຊ້ນ້ຳມັນປະມານ 27% ທີ່ໃຊ້ໃນອຸດສາຫະກຳ.
    ໝາກ: ໃຊ້ເປັນອາຫານຂອງສັດປ່າ
ໝາຍເຫດ: ແກ່ນມີສານເບື່ອເມົາຫ້າມນຳມາຮັບປະທານ.

ເອກະສານອ້າງອີງ / ການອ້າງອີງ

Banik, D., Bora, P.P. (2016). A taxonomic study on the diversity of Indian Knema Lour. (Myristicaceae). Taiwania 61(2): 141‒158.

de Wilde, W.J.J.O. (2002). Additions toAsian Myristicaceae: Endocomia, Gymnacranthera, Horsfieldia, Knema, and Myristica. Blumea 47: 347-362.

Junsawung, W., Sunthornhao, P., Teejuntuk., S. (2020). Suitable Tree Species for Forest Restoration of a Para Rubber Plantation to an Economic Forest. Thai J. For. 39 (1) : 176-190.

Wan S.H., W.M.N., Ahmad, F. (2017). Phytochemistry and Biological Activities of the Genus Knema (Myristicaceae). Pharmaceutical Sciences December, 23: 249-255.

ຜູ້ຮ່ວມມືໃນການສ້າງ

Duangkhae KEONOY