ຕົ້ນເໝືອດຫີນ / Delek Air

ການນຳໃຊ້

ອາຫານ

ພືດເປັນຢາ

ພືດປະດັບ

ຊື່ວິທະຍາສາດ / ຕະກຸນ

Memecylon edule Roxb. / Melastomataceae

ຊື່ພ້ອງ

ຊື່ອື່ນ

Thai: ພອງເໝືອດ, ພອງດໍາ.
Eng: Nipis Kulit, Delek Air, Delek Bangas, Kaayam, Nemaaru.

ບັນຍາຍລັກສະນະພືດສາດ

ຕົ້ນເໝືອດຫີນເປັນໄມ້ຢືນຕົ້ນ, ມີຄວາມສູງ 1-3 ມ, ເປືອກຂອງລໍາຕົ້ນເປັນຮ່ອງ, ມີສີນໍ້າຕານດໍາ. ໃບເປັນໃບດ່ຽວອອກກົງກັນຂ້າມກັນ, ລັກສະນະຂອງໃບເປັນຮູບວົງຮີຄ້າຍກະໂຖ, ແຜ່ນໃບລຽບເປັນມັນມີສີຂຽວເຂັ້ມ, ມ້ວນຂຶ້ນເຂົາຫາເສັ້ນກາງໃບນ້ອຍ, ປາຍໃບແຫຼມ, ຂອບໃບຂະໜານ, ໃບກວ້າງ 2-3 ຊມ ແລະ ຍາວ 3-5 ຊມ. ອອກດອກເປັນຊໍ່ເປັນແບບກະຈຸກຕາມງ່າມໃບ, ກີບດອກມີສີມ່ວງ, ມີຖານຮອງດອກຄ້າຍຄືຮູບຣະຄັງ. ໝາກເປັນໝາກດ່ຽວຄ້າຍຄືລູກຫວ້າ, ໝາກດິບມີສີຂຽວ, ເມື່ອສຸກແລ້ວຈະມີສີມ່ວງເກືອບດໍາ, ພາຍໃນໝາກມີແກ່ນ 1 ແກ່ນ ລັກສະນະກົມມົນ.

ບັນຍາຍການນຳໃຊ້

ປະໂຫຍດ:
- ໝາກສຸກໃຊ້ຮັບປະທານເປັນໝາກໄມ້ໄດ້.
- ຍອດອ່ອນສາມາດນໍາໄປຮັບປະທານຮ່ວມກັບກ້ອຍກຸ້ງ, ຮັບປະທານເປັນຜັກສົດຮ່ວມກັບແຈ່ວ.
- ໃຊ້ປູກເປັນໄມ້ປະດັບເນື່ອງຈາກມີດອກທີ່ສວຍງາມ.
- ກິ່ງ ແລະ ລໍາຕົ້ນ ນໍາໄປເຜົາເຮັດເປັນນໍາດ່າງໃຊ້ໃນການຍ້ອນຄາມຂອງໄໝ ແລະ ຝ້າຍ.
ສັບພະຄຸນ:
- ເໝືອດມີສັບພະຄຸນເປັນສະໝຸນໄພໃຊ້ບໍາລຸງເລືອດ, ບໍາລຸງນໍ້ານົມ ເມື່ອນໍາໄປປະສົມກັບເໝືອດໂລດໃຊ້ປຸງເປັນຢາແກ້ໄຂ້ປ່າ.
- ຮາກ ຫຼື ລໍາຕົ້ນສາມາດນໍາມາຕົ້ມເປັນຢາດື່ມແກ້ພະຍາດກະເພາະ.
- ນໍ້າຍາງຈາກລໍາຕົ້ນນໍາມາໃຊ້ທາສົ້ນຕີນເພື່ອຫຼຸດຮອຍແຕກ.

ເອກະສານອ້າງອີງ / ການອ້າງອີງ

Medthai. 2017. 18 ສັບພະຄຸນ ແລະ ປະໂຫຍດຂອງຕົ້ນພອງເໝືອດ.

ສົມລານ ສຸດດີ. 2019. ປ່າເຕັງຣັງ: ແມ່ນໍ້າພາຊີ. ສໍານັກງານພັນໄມ້, ກົມອຸທິຍານສັດປ່າ ແລະ ພັນພືດ. ປະເທດໄທ. ໜ້າ 151. ISSN 978-974-286-628-0.

M. Mala and K. Saravanakumar. GC-MS ANALYSIS OF BIOACTIVE COMPOUNDS IN THE METHANOLICLEAF EXTRACT OF Memecylon edule Roxb. FROM AUTHUKURICHISACRED GROVE, TAMILNADU, INDIA. Life Science Archives. Volume 1. Pages 386-393. ISSN 2454-1354.

Ramalingam Srinivasan, Devarajan Natarajan and Muthugounder Subramaniam Shivakumar. 2015. Antioxidant Compound Quercetin-3-O-α-L-rhamnoside(1→6)- β-D-glucose (Rutin) isolated from ethyl acetate leaf extracts of Memecylon edule Roxb (Melastamataceae). Free Radicals and Antioxidants. Volume 5.

ຜູ້ຮ່ວມມືໃນການສ້າງ

Soulivanh BOUNTHAMMY