ຕົ້ນເດື່ອຮ່າງ / Sea Fig

ຕົ້ນເດື່ອຮ່າງຈັດເປັນພັນໄມ້ຢືນຂະໜາດໃຫຍ່, ສູງ 8-10 ມ, ມີຢາງສີຂາວ, ເປືອກຕົ້ນຂ້ອນຂ້າງລຽບເປັນສີເທົາ. ໃບດ່ຽວອອກຈັັບວຽນສະຫຼັບ ແຜ່ນໃບເປັນຮູບຮີແກມຮູບຂອບຂະໜານ ຫຼື ຮູບໄຂ່ກັບ, ສ່ວນຂອບໃບລຽບ ຫຼື ເປັນຄື່ນ, ກວ້າງ 5-13 ຊມ ແລະ ຍາວ 12-25 ຊມ, ແຜ່ນໃບຂ້ອນຂ້າງໜາ ແລະ ໜຽວ, ສີຂຽວເຂັ້ມ ແລະ ເປັນມັນ, ໃບອ່ອນເປັນສີແດງ. ດອກເປັນສີຂຽວອົມເຫຼືອງ ອອກດອກເປັນຊໍ່ຮູບຮ່າງຄ້າຍໝາກ, ຊໍ່ດອກຈະເລີນແຜ່ຂະຫຍາຍໃຫຍ່ເປັນກະເປາະ, ມີຮູບເປີດປາຍໂອບດອກໄວ້, ດອກນັ້ນມີຂະໜາດນ້ອຍເປັນແບບແຍກເພດໃນກະເປາະ. ໝາກເປັນໝາກສົດ, ສີຂາວອົມບົວ, ລັກສະນະຂອງໝາກເປັນຮູບກົມແກມຮູບໄຂ່ກັບ, ກົມແປ້ນ, ອອກເປັນຄູ່ຢູ່ກິ່ງ, ໝາກມີຂະໜາດປະມານ 1.8-2.5 ຊມ, ໝາກເປັນສີຂຽວ, ມີຈຸດສີຄີມກະຈາຍຢູ່ທົ່ວໝາກ, ເມື່ອໝາກສຸກຈະປ່ຽນເປັນສີນໍ້າຕານອົມບົວມີຈຸດນໍ້າຕານ.