ຜັກກູດແດງ / Swamp Fern

ຜັກກູດແດງເປັນພືດລົ້ມລຸກ ມີເຫົ້ງາເລືອຕາມໝ້າດິນ ຫຼື ພັນໄປກັບຕົ້ນໄມ້ອື່ນ. ໃບປະສົມແບບຂົນນົກ, ອອກລຽງສະຫຼັບກັນເປັນຄູ່ ໃບມີຢູ່ 2 ຊະນິດຄື: ໃບມີກຸ່ມສະປໍ ຈະມີຄວາມຍາວຂອງໃບປະມານ 45-80 ຊມ, ມີໃບຍ່ອຍຮູບຮີແຄບ, ໂຄນໃບມົນ, ປາຍໃບແຫຼມ, ແຜ່ນໃບລຽບມີສີຂຽວເປັນມັນ ຂອບໃບຫຍັກຄ້າຍຄືຟັນເລື່ອຍ ມີຂະໝາດຄວາມກ້ວາງປະມານ 2.5 ຊມ. ຍາວປະມານ 12.5 ຊມ. ກ້ານໃບຍາວເປັນສີນໍ້າຕານ, ໃບແກ່ຈະເປັນສີຂຽວ, ໃບອ່ອນຈະເປັນສີແດງ ສ່ວນໃບທີ່ສ້າງສະປໍມັກເກີດທີ່ປາຍຍອດ ໂດຍທີ່ແຜນໃບທັ້ງດ້ານເທິງ ແລະ ດ້ານລຸ່ມຈະປົກຄຸມໄປດ້ວຍກຸ່ມຂອງສະປໍ ແຕ່ບໍລິເວນເສັ້ນກາງໃບຈະບໍ່ມີ ມີຄວາມກ້ວາງປະມານ 3 ຊມ, ຍາວ 20 ຊມ.