ລາບຈີ່ນາຍ
ຈີ່ນາຍ ຫຼື ຈີ່ຫຼໍ່ (ພາກໃຕ້ຂອງລາວ) ເປັນແມງໄມ້ທີ່ຢູ່ໃນຕະກຸນຂອງແມງຈິງຫຼີດ ແຕ່ມີລຳໂຕຂະໜາດໃຫຍ່, ປະຊາຊົນລາວບັນດາເຜົ່າ ໂດຍສະເພາະແມ່ນຊົນເຜົ່າ ກີຣ (ສະລາງ) ບ້ານວັງມะເນີ ເມືອງບົວລະພາ ແຂວງຄໍາມ່ວນ ນິຍົມນໍາມາປຸງແຕ່ງເປັນອາຫານເຊັ່ນ ລາບຈີ່ນາຍ.
ເຮືອນຄົວລາວ
www.phakhaolao.la
ສ່ວນປະກອບ:
- ຈີ່ນາຍ 45-50 ໂຕ
- ຜັກຫອມເຊັ່ນ: ຫອມເປ, ຜັກຫອມບົ່ວ, ຜັກແພວ ປະລິມານຕາມຕ້ອງການ
- ໝາກເຜັດປົ່ນ 1 ບ່ວງ
- ເກືອ 1/2 ບ່ວງກາເຟ
ການກະກຽມ:
- ເອົາຈີ່ນາຍໄປລ້າງນໍ້າໃຫ້ສະອາດ, ຫຼັງຈາກນັ້ນປິດເອົາປີກອອກ ແລ້ວນໍາໄປຟັກໃຫ້ລະອຽດ
- ນໍາເອົາຜັກຫອມໄປລ້າງນໍ້າໃຫ້ສະອາດ ແລ້ວຊອຍໃຫ້ເປັນຂະໜາດນ້ອຍ ຫຼື ຂະໜາດຕາມທີ່ຕ້ອງການ
ການປຸງແຕ່ງ:
- ຄ້າງໝໍ້ໃສ່ນໍ້າ 1 ຖ້ວຍນ້ອຍ
- ນຳຈີ່ນາຍທີ່ກຽມໄວ້ແລ້ວນັ້ນໃສ່ໝໍ້ແລ້ວ ແລ້ວຂົ້ວຈົນກວ່ານໍ້າຈະແຫ້ງ
- ຈາກນັ້ນປົງໝໍ້ ປະໄວ້ໃຫ້ເຢັນແລ້ວໃສ່ຫອມ ຄົນໃຫ້ເຂົ້າກັນ
- ປຸງດ້ວຍເກືອ ແລະ ໝາກເຜັດ ແລ້ວຄົນໃຫ້ເຂົ້າກັນ
- ຊິມ ແລະ ພ້ອມຮັບປະທານ