ຂ່າຊາຍເຫຼືອງ / Yellow Galanga

ເກີດເປັນສຸ່ມ, ລຳຕົ້ນສູງ 2 ແມັດ. ມີໃບ 5-10 ໃບ/ຕົ້ນ. ແຜ່ນໃບຮູບຮີ-ຮູບຂອບຂະໜານ, ປາຍແຫຼມ, ຖານຮູບຫຼີ້ມ, ຂອບລຽບ. ຊໍ່ດອກແບບແຕກແໜງ, ຊົງຮີ. ກ້ານຊໍ່ດອກຍາວ 15 ຊັງຕິແມັດ. ດອກສີຂາວປົນເຫຼືອງ, ມີສີແດງເປັນເສັ້ນກະຈາຍ. ໃບປະດັບຮູບຮີແກມຮູບຂອບຂະໜານ. ໂຄນກາບດອກເຊື່ອມຕິດກັນເປັນຫຼອດ, ປາຍເປັນ 3 ແສກນ້ອຍໆ. ກີບດອກສີຂາວ, ປາຍແຍກເປັນ 3 ແສກຮູບຂອບຂະໜານ. ກີບປາກສີເຫຼືອງ, ມີເສັ້ນສີແດງຫ່າງໆ. ກີບຄູ່ຂ້າງເປັນຮູບໄຂ່ກັບ, ເປັນສີແດງ. ເກສອນຜູ້ຍາວ 1.7 ຊັງຕິແມັດ. ເຕົ້າໄຂ່ມົນກົມ. 

ນິເວດວິທະຍາ: ເກີດບ່ອນປ່າເປີດແປນ, ປ່າໂຄກ, ແຄມທາງ. (ຮູບພາບປະກອບຈາກ: ເຟສບຸກຊຸມຊົນຄັນຮັກພັນໄມ້)