ຜັກຕຳນິນ / Carlet-fruited Gourd

Use
Food
Income
Medicine
Scientific Name / Family
Coccinia grandis (L.) Voigt / Cucurbitaceae
Synonyms
Coccinia grandis var. wightiana (M.Roem.) Greb.
Other Names
ລາວ: ຜັກຕຳນິນ
ໄທ: ຜັກຕຳລຶງ, ແຄໂດ, ຜັກແຄບ.
ກຳປູເຈຍ: ສະເລິກບາ.
ຈີນ: ຮົງກົວ.
ອັງກິດ: carlet-fruited gourd, ivy gourd, perennial cucumber.
Botanical Description

ຜັກຕຳນິນ ເປັນພືດເຄືອ ທີ່ປົ່ງຄືນໃໝ່ທຸກໆປີ ຈາກຂໍ້ຂອງເຄືອໃນຊ່ວງລະດູຝົນ. ມືກ້ຽວຂອງມັນມີຫຼາຍງ່າ ແລະ ມີຮາກແຂງແຮງ. ໃບຂອງມັນເປັນຮູບຫົວໃຈ, ເບິ່ງຄ້າຍຄືໃບຕານ ແລະ ມີແຄມໃບເປັນວັກ ມີຂະໜາດ 5-10 ຊມ, ກ້ານໃບຍາວແຕ່ 1-5 ຊມ. ດອກຜູ້ເປັນສີຂາວ ຫຼື ເຫຼືອງເລັກນ້ອຍເປັນຮູບກະດິ່ງ ຂະໜາດຄວາມຍາວ 2.5-3.5 ຊມ ແລະ ກວ້າງ 1.2 ຊມ, ສ່ວນດອກແມ່ ມີຄວາມຍາວແຕ່ 1-3 ຊມ. ໝາກຂອງມັນເປັນຮູບໄຂ່ ຂະໜາດ 2.5-6 x 1.5-3.5 ຊມ, ມີນວນສົດ, ເວລາສຸກ ຈະເປັນສີແດງ, ສ່ວນແກ່ນຈະເປັນສີເຫຼືອງ ມີຂະໜາດ 7 x 3 ມມ.

Description of Use

ຍອດອ່ອນຂອງຜັກຕຳນິນ ມັກໃຊ້ໜື້ງ ຫຼື ລວກ ກິນກັບແຈ່ວ, ເຮັດຊຸບ, ແກງຈືດ, ແກງໃສ່ເສັ້ນໝີ່.ຢູ່ໃນປະເທດໄທ ເພິ່ນມັກເອົາໝາກອ່ອນມາກິນສົດ ຫຼື ມາດອງ, ບາງເທື່ອກໍໃຊ້ເຮັດແກງ ຫຼືນຳມາກິນສົດ ໃສ່ຍຳສະລັດ ເສີບເປັນອາຫານເບົາ. ສ່ວນຫຼາຍມັກເກັບເອົາໝາກ ຂະໜາດ 2.5-7.5 ຊມ ມາປຸງແຕ່ງເປັນແຈ່ວດອງ. ໝາກທີ່ສຸກ ຈະເປັນສີແດງ ແລະ ມີລົດຊາດຂົມໂພດຈຶ່ງບໍ່ມັກບໍລິໂພກກັນ. ສຳລັບຢູ່ລາວເຮົາ ແມ່ນບໍ່ນິຍົມກິນໝາກຂອງມັນ. ໃບດິບຂອງຜັກຕຳນິນ ເຊື່ອກັນວ່າ ສາມາດຕ້ານໂລກມະເຮັງໄດ້ ພ້ອມທັງມີຄວາມສາມາດໃນການປິ່ນປົວໂລກເບົາຫວານໄດ

Contribute