ໜູງວງຕາເວັນອອກ / Himalayan mole
APA 6th ed. ໜູງວງຕາເວັນອອກ / Himalayan mole. (2022, January 21). Retrieved from https://www.phakhaolao.la/index.php/kb/0001365
MLA 8th ed. ໜູງວງຕາເວັນອອກ / Himalayan mole. Pha Khao Lao, 21 January 2022, https://www.phakhaolao.la/index.php/kb/0001365.
Chicago 17th ed. Pha Khao Lao. 2022. "ໜູງວງຕາເວັນອອກ / Himalayan mole." Published January 21, 2022. https://www.phakhaolao.la/index.php/kb/0001365.
ງວງ - Mole ແລະ ຕະກູນ Taridae:
ປະກອບດ້ວຍ 12 ສະກຸນ ທີ່ເປັນສັດຄວັດຮູຢູ່ໃຕ້ດິນ, ສ່ວນຫຼາຍເປັນສັດທີ່ ມີຮ່າງກາຍທ່ອນກົມສົມສ່ວນດີ, ບໍ່ໄດ້ແຍກອອກເປັນສ່ວນຄໍ. ຕີນໜ້າທີ່ແຂງແຮງຄ້າຍຄືໄມ້ພາຍ, ມີຂົນອ່ອນສັ້ນ ແລະ ນຸ້ມນວນ.
1. ຫົວ ແລະ ລຳຕົວຍາວ: 13-16 ຊມ. ຫາງຍາວ: 0.71 ຊມ
ລັກສະນະໜູງວງແມ່ນສາມາດຈຳແນກໄດ້ຄື: ມີຕີນໜ້າໃຫຍ່, ມີເລັບສີກ, ຂົນສີນ້ຳຕານເຂັ້ມອອກເຫຼືອມປອນເງິນ, ປາກຍາວ, ລັກສະນະເປັນທໍ່ກົມ, ບໍ່ມີຂົນແຕ່ຈະມີໜວດຮັບຄວາມຮູ້ສຶກ, ຕານ້ອຍຫຼາຍ, ບໍ່ມີໃບຫູ, ຫາງສັ້ນຫຼາຍ ແລະ ປົກຫຸ້ມດ້ວຍຂົນ.
ອຸປະນິໄສ: ເປັນສັດທີ່ຂຸດຮູໃຕ້ດິນ, ອາໄສຢູ່ໃນຮູຢ່າງຖາວອນ ແລະ ເຮັດເປັນຂວຍ, ໜູງວງອາດຈະອອກມາໜ້າດິນໃນຍາມກາງຄືນ ຫຼື ຍາມຝົນຕົກເພື່ອຫາກິນຢູ່ເທິງໜ້າດິນໃນບ່ອນທີ່ມີປ່າໄມ້ປົກຄຸມ, ອາຫານຂອງມັນສ່ວນໃຫຍ່ແມ່ນສັດຢູ່ໃນໜ້າດິນ.
ສຽງຮ້ອງ:....
ຖິ່ນອາໄສ: ພົບຕາມປ່າເລົ່າ, ປ່າຕຶບໃນປ່າໄມ້ເຂດພູຫຼວງ ແລະ ເຂດຕໍ່າໃນພາກໃຕ້ຂອງ ສປປ ລາວ. ການແຜ່ກະຈາຍຍັງບໍ່ທັນຮູ້ລະອຽດ, ຂໍ້ມູນບັນທຶກໄດ້ຢ່າງດຽວທີ່ເຂດພູພຽງບໍລິເວນ.
ເປັນອາຫານຂອງປະຊາຊົນທ້ອງຖີ່ນທີ່ອາໄສຢູ່ຕາມຊົນນະບົດ ແລະ ພົບເຫັນເປັນສິນຄ້າຕາມທ້ອງຕະຫຼາດໃນທ້ອງຖິ່ນ.