ປາພັ້ນລາເຣັກ / Larrec loach fish
APA 6th ed. ປາພັ້ນລາເຣັກ / Larrec loach fish. (2020, October 20). Retrieved from https://www.phakhaolao.la/index.php/kb/0000712
MLA 8th ed. ປາພັ້ນລາເຣັກ / Larrec loach fish. Pha Khao Lao, 20 October 2020, https://www.phakhaolao.la/index.php/kb/0000712.
Chicago 17th ed. Pha Khao Lao. 2020. "ປາພັ້ນລາເຣັກ / Larrec loach fish." Published October 20, 2020. https://www.phakhaolao.la/index.php/kb/0000712.
ຮູບຮ່າງລຳໂຕຮຽວຍາວ, ຈາກຄີຫຼັງຈະຄ່ອຍໆສ້ວຍເຂົ້າໄປຫາຫົວ ແລະ ດ້ານຫຼັງທາງຫາງຂ້ອນ ຂ້າງພຽງ ແລະ ສ້ວຍໄປຫາຫາງພຽງເລັກນ້ອຍ. ຫົວ: ມີຕາ 1 ຄູ່ຢູ່ດ້ານຂ້າງສ່ວນເທີງຂອງຫົວ, ດັງ 1 ຄູ່ຈະນູນຂຶ້ນເມື່ອເບີ່ງມູມດ້ານຂ້າງ; ປາກຢູ່ສ່ວນໜ້າສຸດໃກ້ດ້ານລຸ່ມ, ມີໜວດ 6 ເສັ້ນ, ສ່ວນຫົວຈະເປັນລາຍດຳປົນເຫຼືອງ. ລຳໂຕ: ມີຄີເອິກ 1 ຄູ່ຮູບຫວີ; ຄີທ້ອງ ແລະ ຄີກົ້ນ 1 ອັນ, ດ້ານຫຼັງມີ ຄີຫຼັງ 1 ອັນ; ສ່ວນມີຫາງປາຍວ້ຳ, ດ້ານທ້ອງຈະເປັນສີເຫຼືອງອ່ອນ, ດ້ານຂ້າງຂຶ້ນ ໄປຫາເຄີ່ງຕົວມີສີນ້ຳຕານດຳປະປົນໜ້າແໜ້ນ.
ເປັນປາທີ່ຊາວບ້ານມັກຫາມາກິນພໍສຳລັບຄອບຄົວ, ມັກພົບເຫັນໜ້ອຍຕາມທ້ອງຕະຫຼາດ ເພາະມັກຫາໄດ້ຍາກ. ສາມາດນຳມາປຸ່ງແຕ່ງເປັນອາຫານໄດ້ລາຍແບບ ເຊັ່ນ: ເຮັດມົກ ຫຼື ເອາະ. ເຖິງຕົວມັນຈະນ້ອຍແຕ່ມີຊີ້ນແໜ້ນ ແລະ ຫັນດີ, ຈະມີລົດຊາດແຊບ
ເປັນປາທີ່ອາໄສຢູ່ຫ້ວຍນ້ຳໃສໆມີກ້ອນຫິນ. ພວກມັນຈະຂຶ້ນໄປຫາຍອດນ້ຳຂະໜາດນ້ອຍເພື່ອ ວາງໄຂ່ ແລະ ປະສົມພັນ. ຕົວອ່ອນ ແລະ ປາຮາມຈະເຄື່ອນຍ້າຍລົງມາເມື່ອທ້າຍລະດູຝົນ. ພວກມັນຈະຫາແຫຼ່ງນ້ຳຖາວອນອາໄສຢູ່ໃນຍາມລະດູແລ້ງ.