ຜັກຂາຂຽດ / Pickerel weed

ຜັກຂາຂຽດຈັດເປັນພືດລົ້ມລຸກ. ລຳຕົ້ນສັ້ນຢູ່ໃຕ້ດິນ, ສີນ້ຳຕານ. ໃບດ່ຽວ, ອອກແບບຮຽງສະຫຼັບ, ຮູບຫົວໃຈ, ກ້ວາງ 2-3 ຊມ, ຍາວ 4-5 ຊມ, ໂຄນໃບວ້ຳເຂົ້າ, ຂອບລຽບ, ປາຍແຫຼມ, ແຜ່ນໃບໜາຄ້າຍຄືໜັງ, ສີຂຽວເຂັ້ມ, ຜິວລຽບ. ກ້ານໃບກົມ, ອົມນ້ຳ, ດ້ານໃນມີຊ່ອງຫວ່າງ, ຍາວ 10-25 ຊມ, ໂຄນໃບອວບຫຸ້ມກັນໄວ້. ຊໍ່ດອກແບບກະຈຸກ, ອອກກ່າງກ້ານໃບ. ດອກຍ່ອຍມີ 3-15 ດອກ, ກີບເປັນກີບລວມ, ມີ 6 ກີບ, ແຍກກັນອິດສະຫຼະ, ຮູບຫອກ, ຮູບໄຂ່ ຫຼື ຮູບຮີ, ສີມ່ວງ. ເກສອນເພດຜູ້ມີ 6 ອັນ. ໝາກມີລັກສະນະຄ້າຍກັບແຄັບຊູນ, ຍາວ 1 ຊມ, ສີຂຽວ, ໝາກແກ່ແລ້ວແຕກເປັນສາມແສກ. ແກ່ນຈຳນວນຫຼາຍ, ສີນ້ຳຕານ.