ສົ້ມແສງກາ / Creeping lady's sorrel
APA 6th ed. ສົ້ມແສງກາ / Creeping lady's sorrel. (2019, September 2). Retrieved from https://www.phakhaolao.la/kb/0000639
MLA 8th ed. ສົ້ມແສງກາ / Creeping lady's sorrel. Pha Khao Lao, 2 September 2019, https://www.phakhaolao.la/kb/0000639.
Chicago 17th ed. Pha Khao Lao. 2019. "ສົ້ມແສງກາ / Creeping lady's sorrel." Published September 2, 2019. https://www.phakhaolao.la/kb/0000639.
Thai: ສົ້ມກົບ
Eng: Creeping lady's sorrel, Indian sorrel, Yellow wood sorrel, Wood sorreal
ສົ້ມແສງກາເປັນວັດຊະພືດພຸ່ມເຕ້ຍມີອາຍຸຢືນຫຼາຍລະດູ ມີລໍາຕົ້ນເລື້ອຍໄປຕາມພື້ນດິນ ແລະ ເລືອຍາວ, ສ່ວນຂອງລໍາຕົ້ນມີຂົນປົກຄຸມ. ໃບສົ້ມແສງກາມີໃບເປັນໃບປະສົມ, ມີໃບຍ່ອຍ 3 ໃບ, ລັກສະນະຂອງໃບຍ່ອຍເປັນຮູບຫົວໃຈຊື່ງເກີດຈາກຈຸດດຽວກັນຢູ່ປາຍຂອງກ້ານໃບ ແລະ ກ້ານໃບຍາວ 10 ຊມ. ດອກເປັນດອກດ່ຽວອອກຕາມຫງ່າມໃບ, ມີກີບດອກສີເຫຼືອງ, ສ່ວນກົກດອກເຊື່ອມຕິດກັນເປັນຮູບກວຍ, ແຕ່ລະດອກມີປາຍແຍກອອກເປັນກີບ 5 ກີບ, ກ້ານດອກມີຄຍາວ3-10 ຊມ ແລະ ສາມາດອອກດອກໄດ້ທັງປີ. ໝາກເປັນຝັກຕັ້ງຊື່ ຝັກມີລັກສະນະເປັນຫຼ່ຽມ 5 ຫຼ່ຽມ ແລະ ມີຂົນຂຶ້ນປົກຄຸມ, ມີຄວາມຍາວຂອງຝັກ 4-6 ຊມ, ໝາກແກ່ຈະແຫ້ງແຕກ ແລະ ດີດແກນອອກມາ.
ປະໂຫຍດ:
- ຍອດອ່ອນ ແລະ ໃບອ່ອນນໍາມາໃຊ້ປຸງເປັນອາຫານໄດ້ເຊັ່ນດຽວກັນກັບຜັກດອງ.
- ນອກຈາກຈະໃຊ້ເປັນອາຫານແລ້ວ ຍັງນໍາມາໃຊ້ແທນນໍ້າໝາກຂາມປຽກ ເນື່ອງຈາກສົ້ມແສງກາມີລົດເຢັນ, ສົ້ມ, ເຄັມ ແລະ ຫວານເລັກນ້ອຍ.
ສັບພະຄຸນ:
- ໃບເປັນທາດບໍາລຸງຮ່າງກາຍ ໂດຍໃຊ້ໃບສົດນໍາມາແກງກິນ ຍັງເຮັດໃຫ້ຈະເລີນອາຫານ ແລະ ຊ່ວຍໃນການຍ່ອຍອາຫານອີກດ້ວຍ.
- ເຫງົ້າໃຊ້ເປັນຢາເຢັນຊ່ວຍໃຫ້ຈະເລີນອາຫານ.
- ຕົ້ນສົ້ມແສງກາຊ່ວຍແກ້ເລືອດດັງໄຫຼ ດ້ວຍການໃຊ້ຕົ້ນສົດນໍາມາຕໍາໃຫ້ລະອຽດແລ້ວນໍາເອົາມາອັດດັງໄວ້.
- ຊ່ວຍຮັກສາແຜນໍ້າຮ້ອນລວກ ໂດຍໃຊ້ນໍ້າຄັນຈາກໃບສົ້ມແສງກາ, ເນື່ອງຈາກມີລິດເປັນຢາເຢັນ, ຈຶ່ງນໍາມາໃຊ້ຮັກສາແຜນໍ້າຮ້ອນລວກໄດ້ດີ.
ຂໍ້ຄວນລະວັງ:
- ສົ້ມແສງກາມີລິດເຮັດໃຫ້ລະຄາຍເຄື່ອງຕໍ່ລະບົບທາງເດີນອາຫານ, ການຮັບປະທານຄັ້ງລະຫຼາຍໆ ອາດຈະເຮັດໃຫ້ຮູ້ສຶກວິນຫົວປວດຮາກ.
- ຫາກໃຊ້ຢານີ້ຕິດຕໍ່ກັນເກີນ 2 ວັນແລ້ວອາການຍັງບໍ່ດີຂຶ້ນ ຄວນຢຸດໃຊ້ທັນທີ ແລະ ປ່ຽນຢາໃໝ່.