ຕົ້ນໂທນາ / Mitrayna Korth

ຕົ້ນຈັດເປັນໄມ້ຢືນຕົ້ນຂະໜາດກາງ, ສູງ 8-15 ມ, ລໍາຕົ້ນຄົດ ຫຼື ຊື່, ເປືອກລໍາຕົ້ນດ້ານນອກເປັນສີເທົາ, ຫຼຸດອອກເປັນເກັດແຜ່ນນ້ອຍໆ, ສ່ວນເປືອກດ້ານໃນເປັນສີເຫຼືອງອ່ອນ, ເມື່ອລໍາຕົ້ນແກ່ໂຄນຕົ້ນມັກຈະເປັນພູພອນ, ນິຍົມຂະຫຍາຍພັນດ້ວຍວິທີການກ້າແກ່ນ. ໃບດ່ຽວ, ຈັບສະຫຼັບຕັ້ງສາກກັນ, ແຜ່ນໃບຮູບໄຂ່ ຮູບຂອບຂະໜານ, ຮູບຮີ, ປາຍໃບມົນ, ໃບກວ້າງ 3-7 ຊມ ແລະ ຍາວ 5-12 ຊມ, ດ້ານລຸ່ມໃບກ້ຽງ. ອອກດອກເປັນຊໍ່ກະຈຸກຊ້ອນ 3 ຊັ້ນ, ສະຫຼັບກົງກັນຂ້າມກັນ, ໂດຍອອກຕາມງ່າມໃບ, ມີໃບປະດັບຂະໜາດໃຫຍ່ທຸກຊັ້ນ, ດອກເປັນສີເຫຼືອງແບບກະຈຸກແໜ້ນ, ມີຂະໜາດປະມານ 1-2 ຊມ, ແຕ່ລະຊໍ່ຈະມີດອກນ້ອຍໆ, ດອກມີກິ່ນຫອມ. ໝາກມີລັກສະນະເປັນຊົງກົມ ຫຼື ຮູບໄຂ່ຂະໜາດນ້ອຍ, ຜິວໝາກຂຸຂະ ແຂງ, ອັດຮ່ວມກັນເປັນກ້ອນກົມ, ໝາກເມື່ອແຫ້ງຈະແຕກອອກພາຍໃນມີເມັດມີປີກ.